! كلاً مُيسر لما خُلق له .. من فضلك صدق فى ان مفيش مخلوق فى الوجود يقدر يعمل كل حاجه
مدة جلسه الكوتشنج او ال Mentoring بتاعتي بتكون ساعه ونص.. وبين كل عميل والاخر نص ساعه.. يعني لو افترضنا اني فى اليوم بستقبل ٤ مستفيدين من الخدمه فقط فده معناه اني بقعد اسمع ٨ ساعات تقريباً.
بسمع ٨ ساعات .. ثم اروح البيت اكمل جلسات Online واسمع تاني.
واخلص واقرأ رسائل الناس .. مشاكل تاني.
على الوجه الآخر .. فيه اشخاص كانوا بيقولولي حرفياً.. حرفياً.. احنا بنكره نتعامل مع الناس.. انا بكره اتكلم وبكره اسمع نهائياً.
تخيل معايا كدا.. لو الشخص ده شغال فى بيئة معمل مفيهاش تعامل مع بشر.. ثم جيبته يشتغل مكاني.. وانا رحت اشتغلت مكانه وبقيت بقعد ٨ ساعات اكلم فى مايكروسكوب وخليه وتحليل او بحث علمي او او !
وهو جه مكاني ٨ ساعات يسمع مشاكل الناس ويروح يقراله ع الاقل ١٠ رسائل مشاكل برضوا !
ده مثال صغير اوي.. بيوضحلك ان مفيش حد هيتميز فى كل شيء .. انا لو جيت مكانك احتمال كبير اوي افشل .. او على الاقل مش هقدر اقدم خدمه بمستواك! .. مش عيب فيا.. لكن لاني ممكن اكون متخلقتش علشان ده !
وعليه :
١- بطل تقارن قدراتك ومهاراتك وامكانياتك بالاخرين فكل خلق لما سيتميز فيه ... ولهذا سبب.. ربما نعلمه او نجهله.
٢- تاني.. تاني.. تاني.. الوقت اللي هتضيعه فى مقارنه نفسك بالاخرين لو استغليته صح.. قادر تخلق لنفسك تميز محدش هيعرف ينافسك فيه بسهولة.
٣- وانت جاي تسمم نفسك بالمقارنه.. اعرف انك بتربي جواك بني ادم متنمر على عيشته.. وقدراته.. ومهاراته.. ومن ثم .. الخطوة التي تليها احساسك بالدونيه ( الجراح الفلاني دخله فى اليوم ١٠٠٠٠ .. الظابط الفلاني كفايا كارنيهه.. وكيل النيابه الفلاني كفايا حصانته.. وانا بقي فين من كل دول؟ ) .. ومن ثم.. Low self esteem ثم.. Low self CONFIDENCE .. ثم هتوصل لمرحله ارجو عدم وصولك اليها وهي انك تعمل لنفسك down estimate لكل الموارد المتاحه عندك(طبعاً بما فيهم قدراتك ومهاراتك وعلاقاتك) .. و Over Estimate لكل المخاطر اللي ممكن تتعرضلها وتعرض ليها نفسك (واللي ممكن تبدء ب انا علشان معنديش دخل الجراح ده.. وكارنيه الظابط ده.. فإذاً لا فلوس ولا وسطه فعمري ما هوصل لمكانتهم)
٤- خد بس دي مني وشوفها بنفسك.. انا مقابلنيش واحد مستريح ١٠٠٪ فى وظيفته.. علشان تكسب شيء.. بتخسر قدامه اشياء.. اعلم يا صديقي ان لكل مهنه ضريبتها.
Post Original Date: Sept. 17, 2018
FB Post's Link: https://www.facebook.com/daghash.eslam/posts/10212843475782130
Photo Source: https://pixabay.com/
No comments:
Post a Comment