Eslam Daghash: August 2021

Saturday, August 7, 2021

لتسكنوا إليها !

لتسكنوا إليها مكنش أختيار حطة الدين.. بل كان أحدي الأسس اللي بتقوم عليها واحده من أقدس العلاقات الإنسانية وهي علاقة الزواج. 
وأهم توقيت بيحتاج إليه الشخص تحت كلمة لتسكنوا دي هو وقت الخلاف الحقيقي ووقت الضعف الحقيقي.. حتي وأن كان الشريك مخطيء فى وجهه نظرك.. قبول وأحتواء ثم تصحيح مسار.. تاني.. ثم تصحيح مسار.. أه أخطاء زي قابل أهل الزوج/ه من كتر تعبة غير كل مرة فوصلت ليهم معاملته وقتها أن ده قله تقدير وهو غير الحقيقة بس المفروض أنك كشريك شايف الحقيقة. 
تعالي بقي ساعدوا أزاي ميقعش فى خطأه ده مرة تانية زي أنه كان لازم يوضح أنه تعبان أو عنده ظروف أو أو علشان الرسالة متوصلش غلط تاني.  
لكن.. أن كل خلاف شريك يسمع التاني هو عمل أية معاه من ٥ سنين خطوبة وعائلتك اللي عملت معايا كذا وأنت لما قصرت معايا فى كذا وكذا وأهلك اللي مضوني على قائمة بكذا وشرطوا عليا دهب بكذا وكذا وأنا لسه فى بداية حياتي.. فده مؤشر غير جيد تماماً لصحة نفسية المتحدث قبل أن يكون لصحة العلاقة نفسها. 
لتسكنوا إليها مؤشر بيبان من بداية العلاقة.. وتاني.. ده مش هدف أختياري ده شيء مصيري. 
ليه؟ 
لأن المفترض أن ده المكان وده الوطن. 
سيدنا محمد لما نزل علية سيدنا جبريل.. ووصفته زوجته بأنه كان وقتها "يرجف فؤاده" 
عمل أية بعده؟ هرول مسرعاً إلى البيت ثم دخل وقال للسيده خديجة "زمّلوني، زملوني" فأستراح حتى ذهب قلقه.. وبعدها هدي وشرح لعظيمة العظماء السيدة خديجة.
وكان ردها أية من كتر إيمانها بيه؟
كلا والله.. ما يخزيك الله أبداً أنك ١: لتصل الرحم ، ٢: لتحمل الكل، ٣: وتكسب المعدوم، ٤: وتقري الضيف، ٥: وتعين على نوائب الحق. 
يعني حتي فى أضعف أوقات ضعفه.. وقفت، سندت، دعمت وفضلت تعد ليه الخيرات اللي بيعملها فى حياتي لأنه زي ما قال التبريزي كدا حينما سأله جلال الدين الرومي وماذا عن البشر فكانت أجابته: هم صنفان.. ‏من أراد منهم هَجْرَكَ وَجَدَ في ثُقْب الباب مخرجاً، ومن أراد وُدَّكَ ثَقَبَ في الصخرة مدخلاً. 
وفى نفس السياق.. نري نفس الفعل.. فى شدة ضعف سيدنا أيوب.. تقف جنبه زوجته بالشكل اللى حكته القصة حتى شعرها تقصه وتبيعه وتقف دعم وسند فى ضهره.. 

وفي نفس الأية اللي ذكرت لتسكنوا إليها جه أهم تاني شرط.. وجعل بينكم مودة ورحمة.. علشان اللي هيتحقق معاه المودة والرحمة دي.. هو هو.. نفس اللي وقت الخلاف هيعرف غالباً يحقق ال أية اللي واضحة وصريحة عند قطع العلاقة المقدسة دي.. واللي لو بنشوفها بتتحقق مكناش كل يوم هنشوف فى الجلسات القرف والنداله اللي بتحصل وقت الفراق بين الازواج والشركاء. 

الأمر واضح.. وصريح.. لتسكنوا إليها مش حاجة optional بل هى قولاً واحداً MUST تدوروا عنه من أول يوم فى العلاقة وده أكتر وقتين يبانوا فيه وقد الضعف ووقت الخلاف.

Post Original Date: Aug. 5, 2021
FB Post's Link: https://www.facebook.com/daghash.eslam/posts/10220499097407886
Photo Source: https://pixabay.com/

أشخاص كتير مننا خرجوا من عائلات تصنف ك Dysfunctional Families .. عارف أنت البيت اللي كله شخط وزعيق ولوم ونقد وخناق بالدور.. يعني الصبح خناق الأم مع عيالها وبالليل خناق الأب والأم مع بعض وبيت مفيهوش غير صقيع أسري؟ دي أسرة ضمن أنواع ال Dysfunctional Families.

المشكلة أن الناس دي هتخرج من البيت ده غالباً متعلمه لغات تهدها مش تبنيها 

وبناءً عليه.. الناس دي هتعمل أية؟ برافو.. هت Repeat نفس المواويل دي مرة تانية! 
هو خارج من بيته بيشك فى صوابع إيده، هيا خارجة من بيتها لو زميلها قالها صباح الخير يبقي له نوايا غير شريفه، هو خارج من بيته ميعرفش غير العتاب واللوم.. وهيا خارجه من بيتها لو معرفتش تزعق فيهم مش هتاخد حقها وهكذا!!! فيدخلوا حياتهم الجديدة بالظبط وحرفياً Copy و paste من بيت أهاليهم.. ما هما المساكين ميعرفوش غير اللي شافوه!  
طيب وبعدين؟ هنفضل نلف فى الدوامه الملعونه دي؟ ضحايا بيطلع من تحت إيديها ضحايا!!!! 
وأخرتها؟ والحل؟
الحل يجي جيل ميعملش Repeat .. ولكن يقف كتير أعداد وأستعداد فى حاجه تانية خالص وهيا Recover !!
 وبكدا يبقي حقق القاعدة اللى بتقول 
Do not ever repeat, RECOVER! 
الجيل ده هيكون أسمة Transitional generation .. جيل هيقف ويبقي فاعل.. هيحط دور الضحية على جنب.. وهيقول حاضري ومستقبلي مسئوليتي هقف بيهم قدام رب العالمين لوحدي.. ولو اللي فات كان بتاع ابويا وامي فهما يتسألوا عني فيه.. بس انا هتسأل عن الحاضر والمستقبل.. ودول شيلتهم تقيله ولو انتبهت ليها بجد.. مش هيكون عندي وقت أضيعه واقف نص حاضري ببكي على ماضي والنص التاني قلقان من مستقبل لما يجي وأبص ع العمر اللي راح أقول يا ريتني انتبهت لنفسي قبل ما قطر العمر كان فات كدا! 
المصيبة بقي الحقيقية اللي بشوفها فى الجلسات أوقات كتير.. هيا أني الأقي 
Dysfunctional family + برضوا Dysfunctional extended family! 
أية ده كمان 
لا يا سيدي.. ده شاب زي الفل خارج من Dysfunctional family راح حط إيده فى إيد بنت زي الفل بس هيا كمان من Dysfunctional family وبكدا خطر أنهم يخرجولنا ضحايا جداد تتضاعف!
طيب برضوا الحل أية؟ 
الحل أن لازم نشجع الجيل اللي أسمه Transitional generation أنه يبدء يشتغل على نفسه النهاردة قبل بكرا.. ونسيبنا بقي شوية من موضة Toxic Parents أخت الحدود دي اللي خلتنا شايفين كل الناس وحشه وكل الناس كخه وكل الناس عايزه تستغلنا وكل الناس نواياهم زي الزفت وكل الناس نرجسيين لحد ما خرجت جيل فيه كتير من النرجسية ما هو نفسي ثم نفسي ثم يولع الأخرين بقي! 
ده نفس الزوج على فكرة اللي هيفكر جنسياً فى أشباع نفسه وتولع زوجته.. ودي نفس الزوجه اللي هتلاقيها عظيمة فى أنها تبني بيزنس بس متعرفش تبني بيت! 
الجيل ده محتاج قبل ما يفكر يبني أسرة يعرف أن شيلته تقيله لأنه لو كانت الأجيال اللي فاتت مسيره لأنهم ربونا بالي يعرفوه.. فاحنا جيل مش كدا.. أحنا جيل مُخير عنده كل سبل العلم.
لو عايز يعيد نفس اللي حصل فيه تاني يتفضل.. بس هو عرف كدا أنه كان ضحية وقرر يطلع من تحت إيده ضحية ملهوش إي ذنب.
أو يقرر يوقف عنده ده.. ويكسر السلسلة دي.. و ياخد نفس عميق ويفهم المقولة دي كويس. 
You won't Improve your family relationship by hope, circumstances, or chance. Change requires learning, reflection, focus, effort, time, money and work! 
قرر براحتك.. بس أعرف كويس أن ده غالباً أهم قرار فى حياتك كلها.. ومش بس هيتبني عليه حياتك.. بل حتي أجيال جاية!  
Post Original Date:  June 16, 2021 
FB Post's Link: https://www.facebook.com/daghash.eslam/posts/10220211861587170
Photo Source: https://pixabay.com/ 

Hurt people, hurt people!

اللي داق طعم لظلم وقع عليه فى مره.. مش هيعرف يظلم حد تاني بعدها لأنه عارف مراره الشيء اللي أسمه ظلم ده أية.

اللى لسه بيظلم.. محتاج يراجع نفسه كويس.. ويقف معاها بصدق ويشوف.. هو بيدفع ضريبة حد لحد تاني واللا لأ؟ ولو الأجابة أه.. يبقي وقتها وبقعدة صدق مع النفس يفتكر أن رب العباد نفسه مش هيعمل ده معانا يوم القيامة!! وكل واحد هيتعامل على عمله وبس!! يجي البشري الغلبان اللي كله ذنوب ويقوم بفعل رب العباد نفسه مش هيقوم بيه سبحانه! 

أنا عارف والله وفى كتب كتير فى العلاقات بلاقي نصاً 
Hurt people, hurt people! 

يعني الناس اللي أتوجعت واتأذت بتأذي وبتوجع.. ولكن ده للي لم يتعافى بعد من تجربته.. بس تحت أي ظرف كان.. أوعي تلعب الدور ده علشان صدقني.. ودون قسم... ودون قسم... لما تفوق من النار اللي جواك دي... هتفضل تندم وتقول يا ريتني والله أعلم وقتها هيكون مدي مقدار الأذي اللي أوقعته على الشخص ده هتعرف تصلحه واللا لأ. 

كام مثال على ناس يقع عليها ظلم من حد فتدفعه لحد تاني: 
- مدير فى الإدارة الوسطي نازله تعليمات جديدة لمشاريع جديده ومتخانق مع مديره و و و.. فيطلعه فى الموظفين اللي تحت منه. 
- أحدي الزوجين حماته فعلاً صعبة فى المعاملات فيطلع ده فى تضيق على الطرف الأخر وتصيد متعمد للأخطاء مهماً بدت صغيره أو كبيره. 
وعلى هذا المنوال فقس.
أوعي تدفع حد ضريبة مش بتاعته.. علشان الدنيا وارد تلف عليك.. وتدفعك الضريبة فيك بقي وفى أعز وأحب الأشياء إليك والله.. 
ما هيا مش سايبه الدنيا ليها قوانين كونيه.. 
ولسه فيه شوط تاني للمباراة كمان أسمه أخره! 
Post Original Date:  June 17, 2021
FB Post's Link: https://www.facebook.com/daghash.eslam/posts/10220221165379759
Photo Source: https://pixabay.com/ 

High Profile Intellectual Intimacy !

أول مرة أشوف يعني أية معاناة بعض الفئات الخاصة كانت لطبيبة تخصص معين مش بيروح المكان اللي هو فيه خالص غير بتليفون طواريء.. يعني قاعدة فى البيت ٢٤ ساعة ومستعدة أي وقت تنزل بمجرد تليفون.. هو تخصصها والتعاقد بتاعها فى الجهه دي كدا.. أول ما تقول ده للعرسان معظمهم بيخاف من أنها ٢٤ ساعة فى اليوم كدا مستعده تنزل ولو الفجر حتي!

وصلت لسن ٣٧ سنة.. وكل اللي حواليها مفكرين انها بتتنطط على الرجالة.. وهيا بكل أمانة ومصداقية مبتعملش نهائياً ده! 
نفس كلمة بتتنطط دي.. كانت هيا الكلمة الأولي لظابط بينزل أجازة كل شهر كام يوم.. ونظراً لظروف شغله.. فهيقضي عمره كل كدا لأن سلاحه مش موجود فى المحافظة بتاعته.. وكان بيقولي.. أنا مش بتنطط.. أنا بس بقولها دي ظروفي.. هتقدري تبقي الراجل والست فى البيت طول العمر؟ والكلمة دي بتخوف أي بنت لأن مش أي بنت هتقدر على ده. 
دول مثالين... تقدروا تضيفوا عليهم عشرات الأضعاف من الصعوبة لما يكون كمان الشخص ده High Profile.. لأن مش أي شخص هيملء عقله فيملكه قلبه.. ودي المشكلة الأولي للناس ال High Profile 

مش كل الناس اللي قدامكم بتتنطط.. الناس دي فيهم ناس حقيقي من معرفتي بيهم والله والله نفسهم يتجوزوا النهاردة قبل بكرا.. بس هيا ظروفهم كدا! 
أتكتب عليهم كدا!!! 

تخيل بقي كمان يبقي شخص ظروف وطبيعة شغله كدا + يكون High Profile + يكون بيدور فى شريكه على الصعيد الأول أن أول شيء يشبعه ليه شريكه يكون Intellectual Intimacy .. للأسف الشديد دول بسميهم المعذبون فى الأرض لأن الرجالة فيهم بيدوروا على شريكة حياة زي أبره فى كومه قش والبنت فيهم بتدور على شريك حياة بمثابة حباية رمل فى كومه قش!
مش كل الناس دي بتتنطط. 
مش كل الناس دي عايزة تعيش فى الشيء الملعون اللي أسمه وحدة. 
مش كل الناس دي متكبره ومتغطرسه زي ما البعض بيشوفهم.
مش كل الناس دي كذا وكذا زي ما غالبية المحيطين بيهم بيحطوا عليهم Label وأن صدقوا فى رؤياهم فستظل الحقيقة هي الصادقة. 

لو عندك كلمة للناس دي تبنيها.. أتفضل قولها.. لو معندكش فياريت لو معرفتش تبني.. متهدش!
أو الأفضل.. تسيبوا الناس دي فى حالها!!!! 
Post Original Date:  June 20, 2021 
FB Post's Link:  https://www.facebook.com/daghash.eslam/posts/10220243353734454
Photo Source: https://pixabay.com/ 

هٌناك أخرون!

العلاقات.. هيا كل العلاقات!

من لا يري خيراً قط فى الناس لن يراه فى شريك/ة حياتة. 
الباحث عن النواقص أولاً وشرطي العالم الباحث عن جريمة فى نفوس ونوايا الأخرين.. فهكذا غالباً سيكون مع عائلة شريك/ة حياتة والشريك والأولاد. 
من يري الكون يتآمر ضده فسيفسر أقل أقل أقل سوء فهم وسوء تواصل وأي خطأ كان صغر أم كبر من شريك حياته على أنه أستهزاء بمشاعره وأوجاعه والآمه ... لماذا؟ لأنه محور الكون فى ذات نفسه .. أنا مريض أمرضوا.. انا فرحان أفرحوا.. أنا حزين أحزنوا .. وهكذا. 
وللآسف صاحب تلك الشخصية.. ينقص قاموسة جملة إذا وضعت فى قاموسه لربما تغير أشياء كثيرة فى حياته.. والجملة هيا: 
هٌناك أخرون! 
هٌناك أخرون! 
هٌناك أخرون! 
بكل أمانة.. بكل أمانة.. من يري فى نفسه ذلك قبل الأرتباط ويعلم أن فى نفسه ذلك.. ويتعمد دخول علاقة فكدا دي بمثابة جريمة فى حق شريكه وبدرجة سبق الأصرار! 
ببساطة... اللي كدا غير جاهز قولاً وفعلاً لدخول أي علاقة! ولا علاقة صداقة حتي! وكل المطلوب منه قبل ما يروح يبني علاقة صحية مع الأخر يبنيها مع نفسه أولاً ولما تتصلح وقتها.. ووقتها بس.. يقدر يدخل على حياة جديدة فى علاقات صحية جديدة بعدما يكون قادر، ومستعد. 

صحة العلاقة.. أي علاقة.. بتبدء من بدري أوي.. من قد أية أنت جاهز ومستعد للعلاقة دي.. من قبل حتي ما تبدء العلاقة نفسها! 
Post Original Date:  June 22, 2021 
FB Post's Link: https://www.facebook.com/daghash.eslam/posts/10220251736224011
Photo Source: https://pixabay.com/ 

Marriage and Money Beliefs!

لما بدءت أدرس Money Management أستغربت جداً أن أول وأكبر جزئين فى ال Money Management هما عبارة عن قناعاتك عن الفلوس يليها العلاقات!

أول وأهم درس.. ده أول درس حرفياً درسناه كان:
 Marry the Financial Right person  
وطبعاً هنا كام بنت فرحت وقالتلك بسسسسس! هنروح نتجوز اللي معاه فلوس وميقولوش عننا ماديين وجت المفاجأة.. لأ يا فندم.. مش ده المقصود.. المقصود حاجتين: 
- أعظم أصولك المالية هي قدرتك على الكسب.
- كم هي مهاراتك فى تحقيق النتائج؟
يعني أية؟ يعني بأختصار جداً.. لو أبن محمد الفايد خسر كل فلوسه بكرا يا تري عنده قدره على الكسب وأنه يقف على رجليه من جديد؟ يا تري عنده منتج أو خدمة يقدر يبيعهم من بكرا، يا تري عنده شيء نادر وقيم يميزه فى سوق العمل؟ يا تري عنده علاقات تخلصله كل شيء يحتاجه؟ وده علشان نعرفه غالباً هنحتاج نبص بسرعة على تاريخه هل وقع وقام واللا لأ.. وهكذا. 
وطبعاً لينا بوست منفصل عن صفات البنت ال Financial Righ لأن دي أهم كمان من الرجل فى العلاقة بحكم أنها حرفياً وزير المالية فى البيت. 

أما بقي كم النصائح والدروس والعبر فى ال Money Management اللي ليها علاقة بالعلاقات فحقيقي مهوله! وخلي بالك.. كل ده أحنا لا كنا اتكلمنا فى ازاي تجيب فلوس ولا ازاي تحوشها ولا أزاي تستثمرها بعد ما تحوشها! 

وأول درس فى العلاقات كان عن علاقتك بنفسك.. وهنا لما جم سألوا أفضل مستثمر على مر التاريخ تفتكر أفضل بداية للأستثمار أيه؟ 
فأجاب دون تردد: الأستثمار فى نفسك.. ثم تعجبت وقتها لما عرفت أن متوسط أجر المديرين التنفيذين للشركات المدرجة ب ال فورشن ٥٠٠ كان ٣٠٣ ضعف متوسط أجر العاملين فى الشركة.. وبعد بحث يطول شرحه قالوا إن السبب الرئيسي أنهم كانوا بيستثمروا فى مهاراتهم وقدراتهم بواقع ١٠ ساعات تطوير شخصي أسبوعياً. 
طيب وبعد ما أستثمر فى نفسي، وأبقي بعرف أعمل حاجه وبعملها بجودة عالية كمان.. ها بقي؟ 

فهنا جه مثال فظيع.. أتضرب من ريتشارد تمبلر وقال فيه.. فيه واحد عنده أعظم شركة، وزوجة بيتحسد على جمالها وهو ماشي معاها، وعربية أحدث موديل، وفيلا عظيمة بحراسة جوا وبرا الفيلا.. يرجع من شركته، يدخل الفيلا العظيمة دي، يركن العربية ال لامبورجيني الفخمة جداً.. ثم يدخل الفيلا فيلاقي الصقيع الأسري اللي على وجه الأرض كله فى زوجته زوجة عبوس الوجه بلا روح وبلا دفء وبلا مشاعر.. وحينها قال أستطاع أن يشتري جسد بماله ولم يستطع أن يشتري دفاءً وطبعاً على هذا المنوال فقس على مثال الزوجة المسكينة اللي يحصل معاها ده برضوا.. عندها كل حاجة حرفياً إلا دفء أسري متعرفش تشتريه بفلوسها. فى حين زوجة موظف بيقبض ٥٠٠٠ عندهم سعادة توزنها دهب. 
 ثم قال:
 المال.. لا يشتري السعادة من قريب ولا من بعيد.. السعادة ليست فى الأموال ولا فى الأشياء بل هي فى العلاقات. 

عندنا كم مهول من القناعات عن المال والعلاقات فعلاً محتاج يتضرب بالنار حرفياً.. محتاجين من أول وجديد نحط إيدينا واحده واحده عليه.. ونبدء نغير فيها ما أستطعنا. 
Post Original Date:  June 22, 2021
FB Post's Link: https://www.facebook.com/daghash.eslam/posts/10220256431741396
Photo Source: https://pixabay.com/ 

الملتفت لا يصل!

فيه مثال شهير بنحب نقوله فى برامج تدريبية مختلفة.. أول مرة سمعت المثال ده كان من د. إيهاب فكري.. وكان فيما معناه بيقول تخيل كدا واحد رايح يزور والده فى المستشفي أو يلحق جلسة فى محكمة أو جراح رايح لزميلة يلحق وقف نزيف حاصل فى عملية معاه.. السؤال بقي.. هل الشخص هنا وهو ماشي فى الطريق هيقعد يلتفت لأي شيء ولكل شيء حواليه؟ واللا هيكون هدفه الوصول بأسرع وقت؟

العربية اللي جنبه مين فيها؟ لابسين أية؟ هيا ليه ست وراكبة عربية بالحجم ده ما الستات تركب حاجه كدا دلع زي الميني كوبر.. والحلوة اللي هناك دي هيا اللي سايقة واللي قاعد جنبها ده أية لطخ علشان ست تسوق وهو قاعد.. وبص الواد اللي بيجري بالعربية اللي هناك دي اه ما هيا الحاجة اللي جيبهالك.. ويفضل طول السكة سايب هدفه ومركز مع الأخرين يعايب شوية ويغتاب شوية وهكذا يومه!
ده شخص ملتفت والملتفت لا يصل! 

الحقيقة لو كان الشخص ذو هدف ورؤية وخطة واضحة هو رايح فين وجاي منين فلا يمكن تحت أي ظرف كان يكون عنده رفاهية اهدار الوقت بهذا الشكل لأن أصحاب الخطط اللي قابلتهم بيدعو ربنا يوفقهم فى يومهم بس ويلحقوا يخلصوا اللي وراهم فيه.. ده أحنا فى الجلسات بنحاول بالعافية نلاقيلهم وقت مش بنلاقي ودول بيطلعوا أجباراً والله أجازة ولولا تحقيق مبدء Disconnect to Connect ما كانوا طلعوا اجازة أصلاً وكملوا خطتهم وسعيهم. 

لما تلاقي نفسك بدءت تركز مع الناس.. حاول تقف وتسأل نفسك ليك عند الناس دي أية.. لو أنت مسئول عنهم بشكل أو بأخر فده شيء.. بس لو مبيربطكش بيهم علاقة وبتركز مع ده وتسيب ده وتروح تركز مع ده.. وقتها محتاج تقف وقفة صدق وتحاسب نفسك وتشوف عمرك اللي بيضيع ده بيضيع فى أية! 

اللي بيروح منك ده مش وقتك... اللي بيضيع منك ده عمرك اللي هتقف تتحاسب عليه بالدقيقة يوم القيامة! 
Post Original Date:  June 28, 2021
FB Post's Link: https://www.facebook.com/daghash.eslam/posts/10220296521543616
Photo Source: https://pixabay.com/ 

HELP!

من فترة جالي سؤال بيتكرر كتير جداً... وهو>> لو فلان (موظف عندي، زوجي، صديقي) عنده مشكلة ما ومش عايز يتغير أعمل معاه أية؟

 والحقيقة أنا حابب أجاوب السؤال ده هنا مرة واحدة بعد أستئذان جميع اللي بعتولي نفس السؤال طبعاً. 
بسم الله! 

فى بحث تحدث عنه عالم النفس الشهير مايكل نينن أتعمل سنة 2012 كلمنا عنه فى ال Cognitive Behavioral Coaching وقالنا أن 100% من النتيجة النهائية اللي هنشوفها مع العميل بعد أنتهاء كامل الجلسات بتتوزع كالأتي: 
40% >> مدي أستعداد ورغبة العميل على التغيير ده.
30% >> العلاقة نفسها مع القائم على تقديم المساعدة.
15% >> توقعات العميل من نجاح ال Journey  اللي ماشيها دي. 
15% >> المدرسة التطويرية أو العلاجية المستخدمة مع العميل. 
فى أخر البحث ... أتقال نصاً:
"These four factors Furnham observes apply (roughly) equally to all forms of:
- Counselling 
- Therapy
- Coaching 
- Or whatever the help called"
يعني الأرقام دي وهي نابعة من دراسة أكاديمية بتقول لو بس العميل ده مش عايز يتغير ومش حابب مثلاً القائم على تقديم الخدمة (يكون من يكون كوتش، مرشد، معالج، طبيب نفسي.. أو أو) ومعندهوش توقعات جيدة ولا أمل بالتغير بعد أنتهاء جلساته مع المختص.. دول وارد يفقدوا نسبة 85% من نجاح المخرجات المتوقعة بعد الأنتهاء الجلسات دي! 
طيب... لما ده بيتقال للمختصين؟ أومال غير المختصين يعملوا أية؟ 
هقولك.. 
فى إدارة الأزمات... أول وأهم مبدء أتعلمناه كان وقت وقوع الكارثة والأزمه أعمل حاجتين:: أنجو بنفسك أولاً .... ثم أصرخ بصوت عالي جداً  HEEEEEEEEEEEELP .. يعني أية ده برضوا؟ 
الموقف اللي هحكيه ده حقيقي ووقع مع بعض الجيران اللي أعرفهم شخصياً.. شخص مسكت فيه الكهرباء.. فواحد شافه فضل يصرخ لحد ما الناس أتلمت وفيهم واحد طلع يجري يطلب الأسعاف والتاني جاب خشبه كبيرة جداً وفضل يضرب فى الشخص علشان يفصل الكهرباء عنه. لو كان لمس الشخص كان هو أخد الكهرباء مكانه.. فهذا الشخص البسيط.. عمل اللي الكتاب قاله: نجا بنفسه أولاً وملعبش دور المنقذ، ثم قال HEEEEEEEELP فكل واحد من الحضور كان ليه دور. 
فلو عندنا شخص مبيتغيرش فعلاً وأنت بتحاول معاه كتير يتغير... يبقى أول حاجة تتوقف عن لعب دور المنقذ بدل ما تغرق معاه ومتلاقيش اللي ينقذك، وبدل ما هو يدخل فى حالة من المقاومة والعند والأصرار على عدم التغيير. وبعدها تطلب المساعدة من مختص.
ولما يروح لمختص النسب موجودة فوق أهيه.. المختص أمام الله هيعمل اللي عليه.. وكل الأحتمالات وارده.. وارد ميحبش مختص ويحب الأخر، وارد ميحبش مدرسة ويحب التانية.. وارد ميحبش أي حاجة اللي هو حرفياً عميل قبل كدا رجعلي علشان اللي محوله عليه غرفة الجلسات ريحتها سجاير وهو مبيحبش السجاير فمش هروح ليه تاني وبعد أذن حضرتك حولني على حد تاني (هكذا نصاً قال). 

فى نقاط: 
- مفيش مدرسة علاجية أو تطويرية على وجة الأرض قادرة على تغير شخص 100% هو غير راغب وغير مستعد فى المساعدة.
- أقصي حاجة هيقدمها المختص.. هيا محاولة لمساعدة الشخص يساعد نفسه.
- محدش بيعرف يغير حد مش عايز يتغير.. سيدنا نوح مقدرش يغير أبنه، سيدنا لوط مقدرش يغير مجرد قناعة عند زوجته، سيدنا محمد مقدرش يغير عمه... فأحنا (مختصين وغير مختصين) مين بقي جنب الأنبياء علشان نغير حد مش عايز يتغير؟ 
- ولمتبعي نهج وموضة قطع العلاقات فياريت نقرأ الكلمتين الجايين دول بعناية فائقة:
لو الشخص وافق .. وراح لمختص.. والمختص قدر يلمس تغير بيحصل 
 مهماً كان صغير والتغيير هنا فى الأمور النفسية بشتا أنواعها وأشكلها يٌقاس بميزان الدهب.. فلو شاف تغير بيحصل وأشاد إليه دي أحد العلامات اللي الكتاب قال فيها هنا مينفعش نقطع علاقة مع الشخص ده وننتظر لحد ما نشوف نتيجة التغير اللي هيحصل هيودينا لفين وهل هيساعدنا للأرتقاء للمستوي التالي واللا لأ وبعدها نحسب حسابتنا من أول وجديد. 

هذا ما أعلم حتى أخر تحديثات درستها وقرأتها فى 2021. 

والله أعلم. 
Post Original Date:  June 28, 2021 
FB Post's Link: https://www.facebook.com/daghash.eslam/posts/10220298796280483 
Photo Source:  https://pixabay.com/ 

Thursday, August 5, 2021

مقال عن التراحم!

التراحم هيكون هو محور أحاديث وأهتمام العلم والدين السنين الجاية من وجهه نظري بعد ما الرأسمالية خلت كتير من الناس بيقيسوا مصالحهم من بعض بالأرقام! وهكسب أية منك.. ولحظة واحدة بس مصلحتي أنقطعت من معاك فهروح أدور على حد يديني مصلحة أكبر.

أنا اللي بشوفه فى شغلي من بعض البشر بيشيلوا أسمائهم ويحطوا مكانها كلمة مصلحة.. يعني يسمي نفسة أحمد مصلحة، الهام مصلحة وما هو أكثر من ذلك وما خفي كان أعظيم بيخليني من وقت للتاني أروح أجري أكتب على جوجل كلمة تراحم وأي حاجة بتطلعلي من مصدر موثوق بقرأها علشان ألحق نفسي.. قبل ما اللي بشوفه ده يشوهني وفجأة القيني ذي كتير من البشر. 

أرشح لحضراتكم تقرأوا المقال ده وهو واحد من أفضل ما كتب بالعربي بصراحة فى الموضوع ..بس قبلها.. من فضلكم لما تلاقوا وقت ومن وقت للتاني .. روحوا أجروا أقرأوا أي حاجة فى التراحم... علشان بقي فيه حاجات كتير أوي وممارسات كتير أوي لا قابلها علم ولا دين.... 

المقال:  

https://islamonline.net/%D8%A7%D9%84%D8%B1%D8%AD%D9%85%D8%A9-%D9%88%D8%A7%D9%84%D8%AA%D8%B1%D8%A7%D8%AD%D9%85-%D9%81%D9%8A-%D8%B2%D9%85%D9%86-%D8%A7%D9%84%D9%85%D8%A7%D8%AF%D9%8A%D8%A9/?fbclid=IwAR0I_QJp-etZGgCN1x3kUnfQw1vMMQRoYPkhY83x0RI7DbxofcyvpR_8Gnc 

Post Original Date:  June 29, 2021 
FB Post's Link: https://www.facebook.com/daghash.eslam/posts/10220303574679940
Photo Source:  https://pixabay.com/ 

There's Enough For Everyone!

فيه مفهوم خاطيء جداً عن أصحاب عقلية الثراء وهو أن الناس دي كل حاجه بتحسبها بالرقم لدرجة أنهم بيمشوا يشوفوا الناس أرقام ومنافع.. بس الحقيقة أن ده مفهوم عار تماماً من الصحة والعكس هو الصحيح لأن اللي بيشوف الناس أرقام ومنافع ده شخص قرر يكون شغال عند الفلوس مش الفلوس اللي شغاله عنده وده مادام بهكذا عقلية.. فلن يرتقي لعقلية الثراء حتى يترك ما عليه من فكر!

عقلية الثراء.. صاحبها وفى كل الأوقات بيفكر Win Win يعني أنت تكسب وأنا أكسب حتي فى حال أنفصال الشراكة أو أنتهاء التعاون. 

كمثال فى عقلية الثراء كل ما أستاذي كبر وأرتفع درجة أنا كحد تحت منه كمستوي علمي وعملي.. هرتفع درجتين! 

لحظة! 
يعني أية كل ما أستاذي/ المنتور/ القائد بتاعي يرتقي درجة أنا هرتقي درجتين دي؟ 

هقولك. 
بص يا سيدي.. أنا مش هتكلم عن تخصصي وهدي مثال على حاجه الناس كلها تعرفها.
نفترض أن أستاذي ده جراح.. مفضي من وقته للعمليات متوسط ٦ ساعات يومياً (ده مثال هه) .. قدام شوية بعد خبرة معينة لما راح ودرس مستوي متقدم من الجراحات بقي بيشتغل حالات معينة بين حرجة ومتقدمة وهكذا. 
لحد كدا تمام؟ 
أنتقل من مستوي لمستوي أخر. 

طيب.. 
هو قبل ما يدرس المستوي المتقدم ده كان مفضي من يومه ٦ ساعات وكان بيعمل فيهم عمليات ممكن الأخصائي بنفسه يعملها.. وكان متوسط العملية مثلاً من ٣٠٠٠ ل ٥٠٠٠ جنية. 
دلوقتي لما يفضي ال ٦ ساعات دول ويروح يشتغلهم فى الحالات المتقدمة والمستعصية والحرجة ونظراً لضيق وقته فهيسيب الجراحات اللي يقدر يعملها الأخصائي حتي المستوي المتقدم منها وهيركز هو فى المستوي الأعلي. 
صح كدا؟ 

هنا هيفضي مكان! والمكان ده بتاعي! 

بتاعي لأني كان بقالي سنين بسعي وبتعلم وبتدرب وبسافر وبروح وباجي وبتعلم من كتب ودورات وبتتلمذ على إيد زملائي وأستاذي وهكذا.

دي كدا أول درجة أنا أرتقيتها. 

والدرجة التانية: أن لما استاذي يشتغل فى النوع المتقدم من الجراحات دي هيحتاج حد يكون مساعد ليه.. لأنه مش هيعرف يعمل كل حاجه لوحده.. لأنه محدش بيعرف يعمل كل حاجه لوحده! فهنا عيني هتشوف نوع ومستوي جديد.. وأعلي ولما أشوف ده.. هطمح أني أكون مكانه فهتعلم أكتر وأصمم أني لما اكون فى مكانه يكون مستوايا فى مستواه أن لم يكن أعلي. 

وبالتبعيه؟ 

هيكون للي تحت مني عليا حق.. وزي ما كان اللي فوق مني بيتكرم وبيعلمني.. هكون بقدم ما أستطعت وبكرم وسخاء أن اللي عندي يروح للي تحت مني وهكذا الحال كلنا بنعلم بعض!  

هيا دي عقلية الثراء. 
كل واحد بيكبر التاني.. ومحدش فيها بيشوف أنه كبير على العلم.. لأني لو كنت من بدري شفت القائد بتاعي قليل أو ضعيف أو أو كانت عيني هتبحث عن السلبيات بس! ووالله.. والله.. اللي عينه هتبحث عن السلبيات فى الأخر.. حتي ولو نبي من أنبياء الله الصالحين هيطلع فيه عيب.. وعيوب!!! 
وهكذا صاحب عقلية الحل.. يري الكون كله مُعلمه! 
وهكذا صاحب عقلية المشكلة.. يري نفسه عالم وناقض على الكون كله! 

العقليتين قدامك أهم.. وعلشان اليأس ميطلش قلبك.. خليك عارف أنك هتاخد سنين وسنين على ما تمتلك زمام الأمور لعقلية الحل فى كل شيء وصدقني الموضوع بيبدء بخطوة.
خطوة النهاردة.. هيا أنك لو عندك أي مشاعر حقد أو كره أو عداء أو تمني زوال النعم لزميل أو صديق أو حتي أي شخص على وجه الأرض.. أعرف أنك لسه واقف فى عقلية الفقر مش الثراء. 
ليه؟ 
علشان أنا لو زميلي بقي بيكسب مليون جنية فى الشهر، ومليار جنية فى السنة مش هيعرف يخلص كل مال الأرض. 
ولو بقي بيعمل ١٠٠ جلسة فى اليوم (ده رقم مستحيل قولاً وفعلاً).. برضوا يومه مش هيشيل غير ٢٤ ساعة والباقي رزق لحد تاني. 
ولو خلص كل عملاء مصر.. لسه فيه أكثر من ٢٠٠ دولة فيهم عملاء عندي منهم عملاء من ٧ دول. 
وهكذا.. الخير موجود والرزق موجود وكل شيء فى الكون فى وفره .. ده لأنه: 

There's a plenty for everything 
There's a plenty for everyone 
THERE'S ENOUGH FOR EVERYONE!  

Post Original Date:  July 4, 2021 
FB Post's Link: https://www.facebook.com/daghash.eslam/posts/10220328679827553
Photo Source: https://pixabay.com/ 

It's all about mindset!

٧٠ % من أثرى أثرياء أمريكا هما اللي بنوا نفسهم بنفسهم لا ورث ولا أي شيء! بعض الأبحاث بتشير كمان أن ٩٠% من أثرياء أمريكا عصاميين وهما اللي بنوا نفسهم بنفسهم. 
٧٠% من العائلات الأثرياء اللي ورثوا ثروة عن عائلاتهم الجيل التاني منهم ضيع الورث ده وضيع الثروة دي تماماً. 

ده علشان الشباب اللي بشوفهم فى الجلسات معتقدين أنهم لو كانوا ورثوا فلوس كانت حياتهم هتتغير! وعلشان البنات اللي أول حاجه فى حياتها الماديات. 
القصة عمرها ما كانت عندك قد أية فلوس لأن على مدار التاريخ كتير من الناس الأثرياء لما فقدوا فلوسهم عرفوا يعملوا الأكثر منها وده سؤال مهم جداً فى ال Money Management.. هتعمل أية لو خسرت كل فلوسك بكرا؟ أية ال Resources اللي هتخليك تسرع وقف الخسارة كون وقف الخسارة مكسب.. ثم تعمل مكسب جديد؟ 

اللي معندهوش غير فلوس بس.. لسه معندهوش حاجه.
وزي ما بتقول كدا الكتب.. الدخل العالي لا يضمن ثروة.. المستوي العالي لا يضمن رفاهية.. الغني لا يعني الثراء والدخل العالي والمستوى العالي والغني لا يضمن أبداً سعادة ولا سعادة فى الماديات مطلقاً وأن وجدت فهي لحظية وليست دائمه...

It's all about mindset!

Post Original Date: July 4, 2021
FB Post's Link: https://www.facebook.com/daghash.eslam/posts/10220329463047133
Photo Source: https://pixabay.com/

Mercy!

سنة ٢٠١١ كنت قاعد مع رجل أعمال من أشهر الناس فى أسكندرية.. قلتله أنا بحسد حضرتك على الخير اللي بتعمله.

فرد وقالي: " أنا حصلي موقف كذا.. خسرت فلوسي كلها.. والله يا أبني أنا ما كنت لاقي أكل أنا ومراتي.. ومقولتش لحد ومعرفتش حد.. إلا بس الحلاق اللي كان فى وشي.. الحلاق ده بقي كان بيجي يحطلي ظرف فلوس كل فترة وأنا مش عارف مين اللي بيعمل ده.. لحد ما أفتكرت أن هو اللي بيعمل كدا علشان عارف الموضوع..  ومرت الأيام ووقفت على رجلي تاني ولما ربنا كرمني والله يا أبني عملت ليه محل بحوالي مليون جنية.. ومن يومها وأنا مبقاش بيعدي عليا يوم مبعملش فيه خير" 

الكلمة دي ما فرقني من يوميها.. مبقاش بيعدي عليا يوم مبعملش فيه خير.. ومن وقتها.. وأنا نويت النيه دي لله... مفيش يوم هيعدي عليا مش هعمل فيه خير. 

بيحكي أنيس منصور حكايته عن ست أتبنته وقت الثانوي علشان عائلته مكنتش قادره تصرف عليه وقتها (فى الكومنتات جزء من تعليقه على قصته).  

والأمثلة كثيرة.. 
لما صديق ليا عمل عملية لوالد حد وكان واعده يردله الفلوس دي بعدها وأبن المريض قاله ملكش عندي فلوس.. جه وبيقولي أنا عملت وسويت معاه وده يبقي جزاتي فكان ردي.
سبحان الله.. مش يمكن يكون ربنا بعتك كسبب علشان تعمل العملية للراجل ده علشان تساعده يعيش فايق أكتر كام سنة لحد ما الأخوات الصغيرين دول يقفوا على حيلهم لأنه أخوهم الكبير الظالم ده لو أبوهم مات أو أو كان وارد يظلمهم أكتر من ظلمه ليك بأنه أكل عليك حقك؟ 

الخير اللي بتعمله.. والرحمة اللي بتتعمدها حتى وقت غضبك.. والأحسان اللي بتقدمه حتي وقت الأساءة.. والزرع اللي بتزرعه ومتنتظرش حصاده.. وربي.. وربي.. وربي.. ما بيضيع لأن مفيش حاجه عند ربنا بتروح.. بس وارد فعلاً لولا الفعل ده والتوقيت ده والموقف ده مكنش فلان بقي كدا. 

لولا خسارة رجل الأعمال ده.. فيتعمل معاه كدا من الحلاق.. وارد مكنش لما يقف على رجليه تاني ياخد عهد طول ما انا عايش مفيش يوم هيعدي عليا ومعملش خير. 

لولا الست اللي تبنت أنيس منصور .. وارد مكنش عرف يكمل تعليمه. 

وعلى هذا المنوال فقس. 

ليه بكتب ده؟ لأن من أول ما أتقالي فى جلسة النهاردة "الرحمة اللي حضرتك عملتها معايا فى تكلفة الجلسات أنا عملتها مع حد جالي فى شغلي وقالي ظروفي كذا.. أفتكرت حضرتك فعملت معاه بالظبط اللي عملته معايا" ووالله.. من وقتها ما ناسي الجملة دي لأنها حقيقي أعظم حاجه حصلتلي فى يومي.. وكأنها رسالة بأنه لأ كمل.. كمل لأن المجتمع اللي فيه ناس بتتنافس على التراحم فى بعض.. عكس تماماً الغابة اللي بيتعاش فيها مين يلهش أكبر قطمه من التاني ومين ياخد أكبر منفعة مادية من التاني ومين ومين. 

من ١٤٠٠ سنة.. الرسول قالها فى حديثه.. الخير في وفي أمتي إلى يوم الدين. 

مبيضيعش.. وكله هيترد.. والله ما بيضيع ولا هيضيع فحاول يكون ليك على الأرض سُنه حسنه تتبع من بعدك.. لأنك وارد تروح للمولي وتفضل الحسنة دي شغاله كصدقة جارية....... 

ويا بختك وقتها.. 
Post Original Date:  July 8, 2021 
FB Post's Link: https://www.facebook.com/daghash.eslam/posts/10220348809970794
Photo Source: https://pixabay.com/ 

An Extreme Act!

الشخص اللي الصبح مع مجموعة متدينين وبالليل مع مجموعة ما بيسهروا سهرة معينة.. وشوية مع رأي الجمع فيحب مع حبهم ويكره مع كرههم ويعاشر مع عشرتهم ويفارق مع فراقهم.. دي علامة كبيرة جداً على عدم السواء النفسي ووجود إشكالية نفسيه حقيقيه عنده محتاجه دعبسه حقيقية جوا شخصيتة لحد ما يتعرف فين المشكلة.

الممثلة اللي بتهاجموها أنها شوية تتحجب وتنضم لجماعة وشوية تقلع الحجاب وترجع التمثيل تاني دي مش زي ما أنتم شايفينها.. دي بتحاول.. وبتدور على نفسها.. ولسه ملقتهاش! 
بالمناسبة.. شخصيتها الحالية هيا مش شخصيتها.. هيا دلوقتي مش بشخصيتها القديمة.. ولسه مرحتش لشخصيتها اللي هتستقر عليها.. هيا حالية بتدور وبتحاول وطول ما هيا بتدور ميتقلقش عليها بس الخوف على اللي بيدور دائماً مش عليه ولا منه بل من اللي حواليه! .. أول ما الشخص ده هيوصل فدي غالباً غالباً غالباً شخصيتها الجديدة. 
وأه بالمناسبة... أنا من البداية كان رأي واضح فى أمرها هيا ملبستش النقاب علشان النقاب.. ده فعل EXTREME عندنا.. وكل Extreme فهو غير صحي ولو طال فهو مرضي ولما كنت لسه طالب وأتسألت عن رأي فى موضوعها قلت أنها بتهرب من الناس بأي حاجز تبنيه بينها وبينهم.. الحاجز ده ممكن يكون أنعزاليه، ممكن يكون بعد عن البشر، ممكن يكون النقاب اللي بتلبسه علشان تتعامل مع الناس من وراه كنوع من الهروب... أو أو. 
وأنا لسه عند رأي.. هيا تايهه.. بتدور.. بتحاول.. بس لسه موصلتش. 
فرجاءً.. لها ولأمثالها.. يا تقولولهم كلمه تبنيهم.. يا متقولوش كلمة تهدهم.. علشان هما مش مبنيين أصلاً بل كل شخص فيهم لسه مجمعش شتات نفسه! 

يا تقولوا كلمة تبني.. 
يا متقولوش كلمة تهد..... 
Post Original Date:  July 15, 2021 
FB Post's Link: https://www.facebook.com/daghash.eslam/posts/10220388953854366
Photo Source: https://pixabay.com/ 

القسوة!

الشيخ فى صلاة الجمعة النهاردة كان بيتكلم عن أن فيه ناس شغلانتها الوحيدة فى الحياة هيا القسوة! 

وقال: 

فيه ناس شغلتها الوحيدة فى الحياة هيا القسوة.. والمشكلة أنهم مش مكفيهم قسوتهم هما على عباد الله.. بل بيؤمروهم ويعلموهم يقسوا هما كمان على خلق الله. 

أنتي أزاي ضعيفه كدا وملكيش شخصية.. فتروح تقسي على اللي من نصيبة القسوة دي يكون خطيب يكون زوج يكون زي ما يكون. 

أنت أزاي مدير ضعيف كدا.. فيروح يقسي على موظفينه فيروحوا ياخدوا هما القسوة دي ويطلعوها على زوجاتهم فتاخد زوجاتهم ده وتروح تطلعه على أطفالهم لحد ما نوصل لمجتمع مليان قسوة! 

يلاقوا حد متخاصم مع حد.. فيروحوا يشيطنوا فيه ويفضلوا يقسوا فيهم على بعض ونسيوا أن أصلاح ذات البين ده من أفضل الأعمال ديناً ودنيا.

أختلف مع جاره يبقي يتعمد يكره كل العمارة فيه.. فيغتابه ويكذب ويفتري عليه ويقول فيه ما ليس فيه علشان مينفعش تحبوا جاري اللي أنا مبحبهوش فيعلمهم القسوة فيقسوا ويتبني جبل قسوة ذنوب على كتافه.

دول ملهمش غير القسوة.. ميعرفوش غيرها ودي شغلتهم الوحيده فى الحياة.

ثم قرأ: 

"وليحملن أثقالهم وأثقالاً مع أثقالهم وليسألن يوم القيامة عما كانوا يفترون" 

Post Original Date:  July 16, 2021
FB Post's Link: https://www.facebook.com/daghash.eslam/posts/10220393861577056
Photo Source: https://pixabay.com/ 

طلب صريح!

صديق ليا بياخد رأي "دغش بقولك أية.. أبو خطيبتي عازمني ومصمم أروح أصيف معاهم الصيف ده"

سألته: بقالك قد أية خاطبها؟ 
قالي: ٥ شهور. 
يعني ده أول صيف ليكم مع بعض صح كدا؟ 
قالي أه يا دغش.. أروح واللا لأ؟
أستني يا بيه.. قولي بس.. خاطفك لواحدك واللا مين طالع معاكم؟ 
قالي لأ ده العيلة كلها بتطلع مع بعض حوالي ٢٥ شخص زي ما أتقالي. 
قلتله يا أبن المحظوظه ربنا يرزقني بواحد زي حماك ده وعائلة زي دي. 
صاحبي تنح.. يا دغش أنا مرعوب وأنت منبهر بيهم 
قلتله جداً... وهقولك ليه. 
الأب ده طلبه ليه تفسيرات كتير.. على رأسهم تفسيرين. 
الأول: أنه فعلاً خلاص أعتبرك واحد من العائلة.. وده شيء عظيم فى الوقت ده. 
الثاني: أنه يكون جايبك علشان يحطك تحت المايكروسكوب ويدرس شخصيتك عن قرب.. وده شيء أعظم. 
تنح تاني 
طيب ولو جايبني علشان يخليني قدام عينه أعمل أية؟ 
وريله شخصيتك الحقيقية.. الحقيقية حرفياً وله كامل القبول أو الرفض لشخصيتك دي.. بس المواقف اللي زي دي علمتنا أنه إياك تتوتر لأن كل ما هتتوتر هتغلط ولما تغلط هيخرج منك فعل مش بتاعك ولو خرجك منك فعل مش بتاعك هياخد هو رد فعل عليه وموقف كمان.. وقتها أنت هتكون مظلوم حرفياً وبتتحاسب على حاجه مش بتاعتك بس فى نظره ظالم. 

متقلقوش من الطلبات الصريحة يا جماعة مهماً بدت صعبة أو غريبة.. متقلقوش حتى لو بدى الشيء غريب لأن فى غالبية الأحيان أمثال الطلب اللي أتطلب فوق ده بيكون وراه نيه إيجابية مش سلبية.. أما اللي يشوف شر بس فى مثل هذه مواقف فمحتاج يعيد حساباته مره تانية ويقيم وزن كلمة بشر فى قاموسة ويراجع مرتبط معناها بأية كويس. 

فعل الحما ده.. زكي جداً جداً جداً ما شاء الله تبارك الله فى جميع تفسيراته 
Post Original Date:  July 17, 2021 
FB Post's Link: https://www.facebook.com/daghash.eslam/posts/10220398902583078
Photo Source: https://pixabay.com/ 

Overuse!

من أحدي الطبائع البشرية ان الإنسان بي Over use الحاجة الجديدة اللي مكنتش عنده قبل كدا.. تكون مهارة جديدة متعلمها، نعمة جديدة كان مفتقدها، حاجه مكنتش عنده وبقت عنده فعوضته نقصاً ما وأشبعت عنده شيئاً ما وهكذا.

نبسط أكتر.
- أول الخطوبة.. يكون الكلام كتير جداً وعايزين نتكلم صبح وليل ومغرب وعشا ونعمل فقره صباح الخير وهييييح أمتي يكون اليوم اللي أسمع صوتك فيه فى بيتنا بتقولي صباح الخير يا علي... كام شهر بس.. ويبدء يقل الكلام للمستوي الطبيعي اللي مفروض يكون عليه أي أتنين فى علاقة مع بعض. 
- فى أول الجواز.. يبقي أول كام يوم مش عايز يسيبها حتي تدخل تطبخ! ... وعايزين يقضوا أطول وقت ممكن مع بعض... كام شهر.. ويرجع الحياة الطبيعية لمجراها عنده حياته.. عندها... حياتها... وعندهم حياتهم مع بعض ونتعلم نطبق علمياً 
We time, us time, and me time. 
- يروح يشتغل فى شركة دولية... ياخد ضمن المزايا بتاعتها عضوية نادي بالمجان.. فيروح النادي كل يوم قبل وبعد الشغل.. لأ وكمان نفسه يطبق الحياة اللي هيا أروح أجري فى النادي الصبح وبعدها أفطر فى ستاربكس النادي وقدامي ال Mac Book بتاعي بفتح إيميلاتي وعايش عيشه مارك زوكربرج فى نفسه.. شوية وقت.. وترجع الدنيا لطبيعتها تاني يروح النادي فى الWeekend وأوقات التمارين ده لو رحها أصلاً. 
- يكون محروم من إنه يشتري البراندات اللي بيحبها لأن القميص هنا فى مصر من البراند ده ب ٢٠٠٠ جنية فيسافر ويلاقي أن نفس القميص فى ال Sale ب ٢٠ يورو بس وهو بيقبض ٢٠٠٠ يورو يعني ب ١% من مرتبه.. وهوووب يلاقي نفسه مشتري ٣٠ قميص و١٠ بنطلونات و١٥ جازمه ومروح بدولاب كامل. 

حبيت أدي أمثلة توضيحه كتير ليك يا صديق وعلى هذا المنوال فقس. 

 الفكرة بقي هنا.. أن كمان شوية وقت.. هنرجع للطبيعي.. لأن ده الطبيعي... ومينفعش نقف هناك.. علشان لو وقفنا هناك كتير فده شيء وارد يمنعنا عن الأنتقال للمستوي التالي فى حياتنا. 
أن ينزل يشتري فى كل مرة ٢٠ قميص.. فده هيمنعه من إنه يعمل Saving للفلوس اللي صرفها هنا. 

فالمطلوب منك أنك فى الأول تاكل وتشبع على قد ما تقدر..  لأ بص.. كٌل أكتر حتي من شبعك.. أشبع أوووووووي. بس تأكد أنك حقيقي شبعت من الحاجة اللي أنت كنت محروم حقيقي منها.
بس بعدها... المفروض ترجع للطبيعي.. مش المفروض أن حياتك يكون محورها اللحظة الممتعة دي وخلاص وإللا هتتحول حياتك لرحلة البحث عن الممتع دون قبول دفع ضريبته.

 كُل بس على قد شبعك.. بس لازم يجي عليك الوقت اللي حقيقي تعرف تتوقف وتقول كفايا أكتر من كدا أنا بخسر مبكسبش ودي مش أنا اللي هقولك تعملها أزاي... بل نفسك وهي عليك رقيبه! 
Post Original Date:  July 28, 2021
FB Post's Link: https://www.facebook.com/daghash.eslam/posts/10220459817785920
Photo Source: https://pixabay.com/ 

Psychology, Coaching or any other Helping Profession!

شفت نقاش طويل بيقول أن علم النفس والكوتشنج والعلاج النفسي والطب النفسى دول مش علوم.

والحقيقة.. لو من سنة واحدة بس قبل ما أعتكف على كتبي ودراستي.. كان ممكن أدخل نقاش زي ده.. بس مدخلتهوش ولا أعتقد أني هدخل نقاش زي ده وهقول فى أخر البوست ليه. 
أولاً: علم النفس علم حديث جداً مقارنةً بالعلوم الأخري ولكن جذوره التي بني عليها ممده لمئات السنين.. ده ليه؟ .. هقولك.. 
أحدي تعريفات علم النفس اللي قرأتها فى أحدي الكتب الصادرة عام ٢٠١٨ كان: 
Psychology is a bridge between philosophy and physiology. Where physiology describes and explains the physical make-up of the brain and nervous system, physiology examines the mental processes that take place within them and how these are manifested in our thoughts and ideas, psychology studies how we come to have them and what they all tell us about the working of our minds. All the Science evolved from philosophy, by applying scientific methods to philosophical questions. 
التعريف الطويل جداً ده هترجمة فى الكومنتات.. ولكن أختصاراً.. تاريخ علم النفس ممتد من بدايات بدايات جذور علوم الفلسفة.. هل كدا وبس؟ لأ طبعاً.. خد كمان دراسة الأديان وخد دراسة علم السلوك الحيواني والأنثربولوجي (علم دراسة الإنسان) ومتعدش بقي. 

ثانياً: بيقولك بقي أن أي علم لا يقاس بالأرقام وميتمسكش بالإيد كدا فده مش علم.. وعلشان كدا علم النفس مش علم.. والطب النفسي مش علم وبالنسبة ليا المخ والأعصاب علم والطب النفسي مش علم.
بالنسبة للي كان بيناقش ده يا جماعة والله مش انا. 

فده سؤال الحقيقة لا يستحق حتى الأجابة عليه لأني مش قادر أتخيل حد فى ٢٠٢١ بيناقش ده وعلى كلاً.. وأختصاراً.. هقولك اللي يريحك.. مقارنة العلوم الموجودة منذ بداية الخليقة زي علم الهندسة لا تقارن بالعلوم الحديثة لأن المقارنة لازم تكون Apple to Apple. 

كدا يتبقي الكوتشنج أنه ملهوش علاقة بالعلوم. 
بردوا رجاءً تعمل بحثك بشكل صحيح لأن النهاردة فيه عشرات الجامعات على مستوي العالم اللي بتدي ماجستير أكاديمي فى الكوتشنج ودول هتلاقيهم فى جامعات مهتمة بعلوم الإدارة وجامعات متخصصه فى علم النفس. 
وبرضوا.. خليني أقولك هنا أن عالم النفس مايكل نينن قال أنه ال 
Cognitive Behavioral Coaching 
دخل الدراسة البحثية الأكاديمية منذ ٢٠٠١ وخد جزء من كلامه نصاً أهه وروح ناقشه معاه.. بس متنساش انت رايح تناقش عالم تقله عامل أزاي فى العلوم النفسية من أول العلاج النفسي للإرشاد للكوتشنج. 
Since 2001, researchers have been building up an evidence base for CBC using qualitative, quantitative and single-case design studies 

فنفرق هنا بين هل الشخص المختص عايز يمشي السكة المهنية واللا الأكاديمية لو عايز مهني فأكبر جهتين فى العالم هم: 
International Coaching Federation (ICF) 
European Mentoring and Coaching Council ( EMCC) 
الأول هو أكبر جهة فى العالم وده اللي أنا دارس منه مرتين.. التاني معروف أكتر فى أوروبا وأنجلترا. 
دول للي عايز يدرس حاجه مهنية.. للي عايز يدرس حاجه أكاديمية فعنده عشرات الجامعات على مستوي العالم منهم 
Master of Positive and Coaching Psychology, East London University 
علم النفس الإيجابي اللي بيتدرس من أمتي بماجستير ودكتوراه ولا حول ولا قوة الا بالله لسه الجامعات فى مصر مفيهاش تخصص Positive Psychology! 

أما ليه بقي قلت فى بداية البوست مبقتش بحب أدخل نقاشات زي دي فده علشان كانت نصيحة العالم ميكل نينن. 
أن من فضلك متقبلش أصلاً المتشكك يكون عميل عندك لأنه هيفشل ال Process وهيبوظ ال Outcome وهيقولك شفت بقي؟ أنا كان عندي حق.. جيتلك علشان تساعدني أهه ومعرفتش تساعدني ومايكل نينن قال نصاً أن ده يمشي على جميع أنواع المدارس العلاجية والتطويريه أو اياً كانت المدرسة المتبع أستخدمتها. 
وقال نصاً أن النتيجة النهائية لأي رحلة تطويرية أو علاجية تنقسم للأتي: 

40% Readiness to change 
٤٠ % أستعداد العميل 
30% Relationship 
٣٠ % قوة علاقة العميل بيك. 
15% Expectations of Success 
١٥% توقعات العميل عن نجاح اللي بيعمله ده
15% The application of their particular theory (CBC, Psychotherapy, or whatever) 
١٥ % مدي قوة المدرسة والأدوات المستخدمة.
يعني لو هو بس بس بس مش مستعد ومعندوش ثقة فيك ومش متوقع نجاح اللي بيعمله فده كدا دمر بإيديه ٨٥% من نجاح مخرجات الرحلة دي! 
ثم قال 
These four factors apply (roughly) equally to all forms of counseling, therapy, coaching, or whatever the help is called. 
يعني هذه الأرقام تطبق على الإرشاد، العلاج النفسي، الكوتشنج أو أياً كان مسمي المساعدة المهنية اللي بتتقدم!!!

والله أنا خايف يخلصوا النقاش ده فيدخلوا على 
Nature-nurture debate! 
وينسوا أنهم بقوا فى ٢٠٢١! 

Post Original Date:  Aug. 1, 2021 
FB Post's Link: https://www.facebook.com/daghash.eslam/posts/10220476154794335
Photo Source: https://pixabay.com/  