هقول كلمتين للبنات.. ليس من باب الهجوم فى شيء ويشهد الله على ذلك.. ولكن من باب أنها نصيحة ربما حفظت بيتاً أو صنعت فارقاً فى علاقة ما وربما أقف بها أمام الله يوم القيامة تحت راية من تعلم العلم وعلمه.
أ.د سيمون بارون أستاذ الأمراض النفسية بجامعة كامبردج.. لخص أبحاث ٢٠ سنة عن الفرق بين مخ الذكر والأنثي فى جملتين.
فى المخ الأنثوي قال:
The Female Brain is predominantly hard wired for empathy.
وتلخصياً للي قاله.. قال أنه أكتشفنا أنه ال Female Brain (المخ الأنثوي) .. أتخلق علشان حاجتين.. حاجتين رئيسيتين بس وتحتهم حاجات كتير أوي:
١- ال Empathy (والله ما عارف بالعربي يعني أية ولكنها مشهورة بعد التعريب بالتعاطف والمواجده)
٢- ال Sharing (المشاركة)
مخ الذكر مختلف أختلاف كلي.. حاجه بصراحة أنا بشوفها حقيقي صعبة.. حاجه مخلوقه علشان الأرقام والقوانين والنظم وربما نتحدث فى ذلك لاحقاً.
وبناءً عليه.. أتخلق المخين بهذه الطريقة من رب العباد بحكمه التوازن.
مخ الرجل يبقي بتاع أرقام ونظم ومخ الست يبقي بتاع بني أدمين وتعاطف وتراحم.
مخ الرجل يبقي بتاع شغل شغل شغل.. ومخ الست يبقي بتاع بيت وعائلة ودفء ومودة ورحمة وتلم العائلة وتجمعهم وتخلي البيت دائماً عامر بدفئها وحنيتها وطيبتها.
مخ الرجل كذا وكذا وكذا وكذا مخ الست كذا وكذا وكذا.
وكل ده.. مخلوق بعناية وحكمه من رب العباد تحافظ وتوازن الحياة على الأرض وأعمارها.
لما الرجل يجي يشوف قسوة، عنف، غضب شديد دائم من أي شيء وكل شيء، أفتعال أزمات، عدم تفاهم، ندية فى العلاقة، حقوقي حقوقي حقوقي وكل حياة البنت اللي قدامه عبارة عن شغل بس حتي كل أحلامها كارير بس ومتحلمش لا بأسرة سعيده ولا غيره.. بيخاف.. مش بيخاف علشان هو ضعيف ولا غير قادر.. لأ.. بيخاف لأسباب كتير أوي منها أنه طيب لما أحنا الأثنين نبقي بتوع أرقام مين هيبقي بتاع بني أدمين؟ لما أحنا الأثنين هيبقي فكرنا شغل بس.. أثبات ذات.. وحياتنا غرقانه تفكير فى الكارير وكل حربنا برا البيت مين هيحارب جوا و و و.
عقلية الرجل.. قال فيها العلم أنه من أكبر أكبر أكبر أمنياته قبيله ينشأها ويترأسها ويحافظ على أمنها وأمانها ويحافظ عليها من أي هجوم خارجي.
فيا جماعة.. أدوا الراجل دوره، واستمتعوا بدوركم.. والله العظيم أنا ما عارف البنات والستات بتعمل فى نفسها كدا ليه.. ليه شايلين كل ده فوق راسكم ولا عاطين الراجل دوره كامل ولا عارفين تستمتعوا بنعمة دوركم فى الحياة.
وتاني.. خلوا بالكم.. زي ما عقلية الأنثي تغشي تماماً الأرتباط بشخص معندهوش طموح ولا خطة ولا شيفاه مرجعية ودعم وسند وكافي فى عنيها كمحارب لقبيلتها اللي بتنشأه معاه.
عقلية الرجل لا تقبل بمنازعه فى دوره على أنشاء قبيله يترأسها ويكون محارب ليها وقائد ليها ومسئول عن الحفاظ على أمنها الخارجي.
بعيد مرة تانية.. البوست ده وأشهد الله أنه ليس من باب الهجوم لكنه من باب النفع لمن أراد أن ينتفع..
وأنا عارف كويس أن كلام زي ذاتك وأنجزاتك وحقوقك وحدودك وشغلك وكاريرك وكذا وكذا بتحبوا تسمعوه كتير والبوست الواحد فيه بيجيب الاف الليكات وفيه ناس شغلتها الوحيدة دي بس أنا مبكتبش اللي بيحب يتقرأ ولا بقول اللي يتحب يتسمع أنا بقول ما يرتضيه ضميري أمام الله.
خلينا نرجع الأمور لمجاريها.. خلينا ندي الراجل مكانته وندي الست مكانتها لأنه للأسف الشديد.. لأ ده بقي عارف يلعب دوره كامل ولا يستمتع بيه ولا الست بقت عارفه تستمتع بأنوثتها!
خطوة لورا كدا بقي.. ونعيد كل شيء لمجاريه.. يمكن حياتنا تبدء ترجع للطبيعي تاني......
ولنا تكمله....
Post Original Date: Aug. 1, 2021
FB Post's Link: https://www.facebook.com/daghash.eslam/posts/10220480004730581
Photo Source: https://pixabay.com/
No comments:
Post a Comment