مراجعة النفس!

بعشق السفر.. ولكن كل سفري كان عبارة عن شغل.. لفترة من الوقت كنت مقرر أني لازم اطلع سفرية لنفسي.. مش الشغل!

ولأني كتير بيتطلب مني أني أعمل للناس Retreat سواءً الشركات أو الأفراد لأني بقدم برامج كتيرة هتفرق معاهم لو اتقدمت فى شكل Retreat قررت أني أطلع أجرب الأول فى نفسي واشوف أزاي أنا وشريك فى تخصص أخر هنقدر نقدم أفضل شكل ممكن للRetreats بتاعتنا.

لما طلعت ال Retreat ده أكتشفت قد أية أن السفر كام يوم كل فترة وأنت قافل التليفون وبعيد عن السوشيال ميديا والناس دي حاجه صحية جداً.. مراجعة النفس كل فترة والتعمق لأعمق نقطة ممكنة شيء لازم تعمله مع نفسك.

ورق وقلم معاك فى رحلتك وحلل أكبر قدر ممكن من كل شيء.. قرراتك، مشاكلك، تحدياتك، عيوبك، نقاط ضعفك وهتشتغل عليها ازاي، نقاط قوتك وهتستثمرها أزاي.. أية اللي مش هتاخده معاك لعامك الجديد، أية محتاج تتعلمه، أية العادة اللي محتاج تضيفها ليومك، مين الأشخاص اللي وجودهم أضافة ليك والعكس، مين الناس اللي أنت اضافة لحياتهم، مين اللي هتستثمر فيهم، علاقاتك كلها باللي حواليك سلباً وإيجاباً وأية فيهم بيطلعك قدام وأية بيرجعك لورا.. أية المصادر اللي نقصاك فى حياتك ولو تواجدت هتساعدك بسهولة ويسر للأنتقال للمستوي التالي فى حياتك.

ده طبعاً وخاصة لو كنت متجوزتش فعندك ألف سؤال:

هل أنت جاهز لدخول علاقة واللا لأ؟

Emotionally, psychologically, financially, وحتي عامل الوقت نفسه!!

مستني أية من الطرف الأخر، وفى المقابل عندك أية حقيقي هتقدمه للطرف الأخر واللا هتكون داخل علاقة انت بتستني هيا تكون أضافة ليك وأنت للأسف وارد جداً تكون مجرد أضافة عليها لو معندكش القدرة الحقيقية أنك تساعدها على الانتقال للمستوي التالي فى حياتها.

ومليون سؤال..

مراجعة النفس من وقت للأخر شيء صحي جداً ومطلوب جداً.. لما كنت بقرأ قصص حياة كثير من القادة كنت بلاقي أن فكرة أخذ Break من الحياة دي كانت حاجه ثابته عندهم لازم يعملوها كل فترة بس احنا حقيقي مفتقدين ده.. بل الأنبياء نفسهم كذلك كان كل فترة كل حد فيهم يجري من صداع الدنيا وصراعاتها الوهمية الكاذبة ويعتكف جوا نفسه ويغوص فى أعماق أعماقها كي يهذبها بأكبر قدر ممكن. رجعت من الريتريت ده مقرر قررات كتيره جداً واحد منهم أن مش هيعدي عليا ٦ شهور إلا لما أعمل ده كهدية بقدمها لنفسي.

المرة الأولي من التجربة وارد تكون غريبة شوية عليكم.. أنا شخصياً كنت مشدود طول أول يومين ومش عارف السبب وحقيقي يمكن معرفتش استمتع غير اليوم الأخير وأتمني أقدر أقدم لنفسي هدية أسبوع تاني كمان كام شهر أعمل فيه ده.

لنفسك عليك حق أنك من فترة للتانية تقدملها هدية زي دي وتهرب من صداع الدنيا ومشاكلها وصراعاتها وتعيش يومين بينك وبين نفسك فقط.. فقط.. وواثق أنها حقيقي.. حقيقي هتفرق معاك.

Post Original Date: Dec. 26, 2020 

FB Post's Link:  https://www.facebook.com/daghash.eslam/posts/10218993105719035 
Photo Source:  https://pixabay.com/