ذاكر الواقع جيداً قبل التمرد عليه!

 مفيش حاجه أسمها زواج ١٠٠% طول الوقت بدون خلاف! ده فى الروايات أو الأفلام فقط.

كل العلاقات... كل العلاقات.. كل العلاقات Has its ups and downs

ولكن الفكرة.. هي وقت الخلاف هنتعامل أزاي مع بعض.. كل واحد هيراجع واجباته الأول ويشوف هو قدم ما عليه من واجبات واللا لأ؟ (عقلية الحل)

واللا وقف فقط يطالب بما له من حقوق؟ ده لو كان فاهم حقوقه صح كمان (عقلية المشكلة) واللا تهرب من المسئولية بكلمتين سهلين أوي وبقوا موضه أسمها حط حدود وقول لأ وعلاقة غير صحية و و و!

عقلية الحل بتقولك ذاكر الواقع جيداً قبل التمرد عليه.

عقلية الحل بتقولك وقت الخلاف أقف راجع هل قدمت ما عليك من واجبات قبل أن تطالب بما لك من حقوق واللا لأ؟

عقلية المشكلة بتقولك تعالي فى كل خلاف وأسأل الطرف التاني وحاسبه حساب الملكين وقوله أنت مقصر معايا وهات أو هاتي كل العلاقات الحلوة اللي تعرفها وخد من كل علاقة أفضل ما فيها فتاخد من علاقة أحمد ب سلوي هزارهم مع بعض.. ومن علاقة محمود بألهام صحوبيتهم فى السفر.. ومن علاقة فلان بفلان أنه مغرقها هدايا وعلاقة فلان بفلان أنه كذا وكذا ومن ثم أعمل كدا قائمة أطلب وأتمني وحطها للأخر فى check list وطالب الأخر بيها وحاكمه عليها بعد ما تتهمه بالتقصير... وأنا أوعدك أن ده أسهل وأسرع طريق لدمار البيت والعلاقة وأن أي حد بيكون ده نمطه الدائم فى العلاقات فللأسف مش هيدوم ليه علاقات صحية كتير!

تذكرها دائماً:

ذاكر الواقع جيداً قبل التمرد عليه!

Post Original Date:  Feb. 14, 2021
FB Post's Link: https://www.facebook.com/daghash.eslam/posts/10219383946209803 Photo Source: https://pixabay.com/