العلاقات مش سوق تقدري تشتري منه حاجة جاهزه عليك 100% .. ولا فيه عندنا حاجة فى العلاقات أسمها One size fits all .. فى العلاقات فيه شخص مناسب ليا بس مش Perfect أختار شخص مناسب ليه برضوا مش Perfect وقرروا دخول فى زواج بعد ما شافوا العيوب وقرروا أنهم قادرين على التعامل مع العيوب ونقاط الضعف دي، وعرفوا أحتياجات بعض وعرف كل طرف أنه قادر على تلبيه أحتياجات الأخر.
غير كدا موضوع أنت محتاج علاقة فيها Unconditional love (حب لا مشروط).. وكلام أن العلاقات جنة الأرض والكلام الجميل ده.. ده كلام تنمية بشرية من بتاع قوم نادي ع الطموح وأتشعلق فى الأمل و Find ur Passion حياتك هتتغير وتبقي مالتي ملياردير فى 5 أيام بعد ما تبقى Entrepreneur وتتحرر من عبودية الوظيفة والكلام ده!!
لو سمحت... متخليش حد يتاجر بحياتك فى الكلام ده لأني لا قرأت ولا درست ولا عرفت ولا شفت علاقة من اللي بيتباع بيها على الناس بالشكل اللي فوق ده وعمري ما شفت علاقة على الأرض بصراحة غير علاقة الأبوين بأولادهم فيها حب لا مشروط.
خلي بالك أنت بيدخل دماغك أية... علشان بعد ما هيدخل دماغك السم ده.. هتروح تدور على علاقات بالشكل ده.. وهتكون النتيجة حاجة من 2.. أما هتدخل العلاقة بتوقعات فى السماء ومتلاقيهاش ووقتها هتروح تحاسب الطرف الأخر على ذنب مش ذنبه!
أو هتفضل تدور على التوقعات اللي فى السماء دي فى أي حد وارد يكون مناسب ليك أساساً وتيجي قدام منك فرصة علاقة ثم علاقة ثم علاقة وتسيبها بحجه أية؟ أنا منتظر علاقة من بتوع الحب اللامشروط والكلام العظيم ده!
أسمحلي أعيدها عليك مرة تانية:
فى العلاقات فيه شخص مناسب ليا بس مش Perfect... أختار هو كمان شخص مناسب ليه برضوا مش Perfect وقرروا دخول فى زواج بعد ما شافوا العيوب وقرروا أنهم قادرين على التعامل مع العيوب ونقاط الضعف دي، وعرفوا أحتياجات بعض وعرف كل طرف أنه قادر على تلبيه أحتياجات الأخر.
الوظيفة البرفكت والحياة البرفكت والزواج البرفكت اللي 100% سعادة بدون تحديات ولا مشاكل ولا ولا .. دول فى الجنة والله يا جماعة مش على الأرض!
Post Original Date: June 27, 2021
FB Post's Link: https://www.facebook.com/daghash.eslam/posts/10220290756079483
Photo Source: https://pixabay.com/
No comments:
Post a Comment