الناس ال Intellectual intimacy مش طماعين.. ولا عنيهم ميملاهاش غير التراب.. ولا بيدوروا على أنسان كامل لأن هما عارفين كويس جداً أن هما نفسهم مش كاملين.. الناس دي كل اللي عايزاه فى شريك حياتهم هو أنهم يلاقوا الحد اللي يعرفوا يتكلموا معاه! يفضفضوا معاه! يحلموا ويخططوا معاه! يتناقشوا ويختلفوا ويتفقوا معاه! يتثقفوا ويتعلموا ويشاركوا خبراتهم معاه! ولما يخلص ده.. يتحول من مشاركة خبره معاه للتعلم من خبرته هو.. فيقعدوا يسمعوا لشريك حياتهم وهما مش عايزين حواره يخلص.. لو حتي طول ل ألف ليله وليله وأحكي يا شهرازاد.. هما متدفيين ب ده.. وعندهم ده بالدنيا وما فيها.. وده عندهم أسعد لحظة فى العلاقة!
حتي لو كانوا مبيحبوش يتكلموا كتير بالمناسبة.. بس مع الشخص ده بالذات هيتكلموا بالساعات والكلام مش هيخلص والحوار هيفضل شغال.
علشان كدا الأشخاص ال Intellectual Intimacy أختيارها مختلف.. لأن فكرهم مختلف.. تطلعاتهم مختلفه.. طموحاتهم مختلفه! عمرك ما هتلاقي بنت Intellectual intimacy أول حاجه بتدور عليها فى شريك حياتها هيا الفلوس!! الهم الأول والأوحد كفلتر أول هو الدماغ! وبعدين تيجي أي حاجه تانية! عمرك ما هتلاقي شاب Intellectual intimacy أول حاجه بيدور عليها فى البنت الجمال الجسدي الصارخ!! ولا عمرك هتلاقي الأثنين دول لما يتقابلوا خناقتهم على شبكة ونيش وسفره لأنهم بيعرفوا يعلو عن الصغائر وهتلاقي نقاشهم مثمر عن ثقافة.. فكر.. مستقبل.. بكرا.. طموح.. تخطيط.. نعيش حياه معشنهاش قبل كدا.. وهكذا.
الناس دي.. حرفياً حرفياً حرفياً كل واحد فيهم بيدور على التاني هنا فى مصر وكأنه بيدور على آبره فى كومه قش والله العظيم!!! فسيبوهم فى حالهم.. ويا تقولوا كلمه ليهم تبني يا متقولوش كلمه تهد..
تاني..
هما مختلفين.. هما حرفياً بيتكلموا لغة غير لغة غالبية البشر.. دول لا بنت بتدور على الراجل ميعيبهوش إلا جيبه لأنها عارفه ان الراجل لو يعيبه ١٠٠٠ حاجه فأخرهم جيبه بس قبلها يعيبه قله وعيه وقله ثقافته وعدم رجاحه فكره وقله كرمه وسوء خلقه وبخله العاطفي وطول لسانه وعد بقي لحد ما تعرف تكمل القوس بس قبل ما تقفل القوس تقدر تحط وفلوسه.
ودول الراجل فيهم مش بيدور على جسد يشتريه بالفلوس.. والله لو ال Intellectual intimacy قدامه هيفاء وهبي نفسها مش هتمليء عنيه.. لان الشاب ده اللي هتعرف تملي عقله هيا اللي هيتفتح ليها قلبه!
لو أنت بتدور على حد Intellectual intimacy .. كل اللي أقدر أقولهولك أني مقدر جداً مدي صعوبة أنك تلاقي الحد اللي يشبهك ده.. وأنا عارف ومقدر أنك مش بتدور على حد شبهك ك Carbon copy ولكن الحد اللي تعرف تطبق معاه اللي ذكرته فوق ده.. أستمر فى سعيك.. وربنا يرزقك بأفضل مما حتى تمنيت لنفسك!
عن أصحاب ال Intellectual intimacy وتحدياتهم مع اللي حواليهم وعذابهم من كتر ما هما مش مفهومين!!!!!!
Post Original Date: March 26, 2021
FB Post's Link: https://www.facebook.com/daghash.eslam/posts/10219661076057876
Photo Source: https://pixabay.com/
No comments:
Post a Comment