حروب الجيل الرابع!

 تكلفة العنف سنة ٢٠١٨ بلغت ١٤.٧٦ تريليون دولار والرقم ده يساوي ١٢.٦% من أجمالي الناتج العالمي واللي لو أتوزع على كل فرد فى العالم كل فرد فى العالم هيحصل على ١٩٨٨ دولار.

واخد بالك.. تكلفة العنف كام؟

طيب بص بقي على اللي جاية دي..

تكلفة صناعة السلام تساوي ١% فقط من تكلفة العنف!

اه والله!!

خد بقي ملخص البحث العلمي الجاي ده "يعرض الإرهاب الأسرة لظروف غير طبيعية تدفعها لإدخال قيم:

١- كسوء الظن.

٢- التشاؤم.

٣- وتدفع أفراد الأسرة للأنطواء والعزلة.

٤-تجبر الآباء على التشدد فى معاملة الأطفال.

٥- وتؤثر سلبياً على نشأتهم.

وهذا ما يسمي فى هذه الظروف ب قيم الأزمة.

٦- ومن ثم تؤصل فيهم الخوف مما يسهم فى تجنب سلوكيات كانت سابقاً مصدراً لأستمتاعهم ويعد هذا كلفة أجتماعية للإرهاب أشد وقعاً من مخاطرة المادية.

يا تري وضح دلوقتي أن من أهم ملفات الدول المعادية فى الجيل الرابع للحروب تحت فرع الحرب النفسية هو الأرهاب الفكري وتحديداً فى الجزئية دي هو التدمير الذاتي؟ يعني انت اللي تدمر نفسك بنفسك.. تمشي بنفسك تقول بلدي مفيهاش خير، الناس مفيهاش خير، الناس مش أمان، لازم أحظر أكتر، لازم اخد احتياطات أعلي، كل الجوازات بتخلص فى محكمة الأسرة، أصله هيطلع زي اللي قبله، أصلها هتوعد وتخلف.. لحد ما يوصل النهاية أنك وقت الخلاف توصل ل أية؟

برافو.. هيحصل تفعيل لحالة العنف الخفي اللي اتزرعت فيك مسبقاً لا الرغبة فى السلم! ثم تمشي تدمر كامل علاقاتك بنفسك وتلقي بده على الطرف الأخر وده علشان انت بنفسك قررت (لا واعياً طبعاً) أن لا خيراً قط فى الناس!

لما تبقي مشغول بالناس وبالحياة والعيشة واللي عايشينها هيجي منين بقي وقت تبني وتطور نفسك؟

فمبروك.. الفيروس أتحط فى دماغك من السوشيال ميديا بسلام.. وأتعمله Run .. وخلاص الفيروس تحكم فيك!

والنتيجة؟

- دماغك بقت بدل ما بتشتغل ليك بقت بتشتغل ضدتك يا صديق!

لو دخلت السكه دي برجلك.. أوعدك أنك فى بداية الطريق للهدف الأكبر ليهم وهو:

أن يشعر الفرد بأنه بلا مكان وبلا وطن.

خلي بالك.. لأن دي هتكون بداية السكة للي يروح ميرجعش.

Post Original Date:  June 4, 2021 FB Post's Link: https://www.facebook.com/daghash.eslam/posts/10220134445371813 Photo Source: https://pixabay.com/