صديق ليا أخصائي فى نوع معين من الجراحات كلمني علشان يسألني عن حاجة وأنا أستئذنته للنفع أني هنشر ملخص مكالمتنا هنا نظراً لأنها متكرره كتير جداً وفى مواضع كثيره وبأنماط مختلفة.
قالي المشكلة فى زميل ليا... تفوق عننا جداً... وبقي فى مكان تاني خالص.. وكل قعدته مع الإستشاريين.. بيدخل عمليات يشارك فيها أحنا نفسنا محضرنهاش حتي نتفرج عليها لأنها بتتعمل فى مركز معين جوا جامعة معينة.. وبصراحة هو حد شاطر جداً.. مشكلتي الوحيدة معاه أني بقيت بكرهه ومش عارف السبب.. بقيت بفرح لما أسمع حد يتكلم عنه.. وأفرح لما أشوف اي حاجة اتأخرت ليه.. وبحزن لما الأقيه كل شوية بيسافر بلد شكل مع استاذنا اللي قرر يتبناه واخده تحت دراعه.. وأحزن لما أشوفه بيشتغل نوع معين أحنا كجراحين مبنعرفش نشتغله الا عند ال 40 ... إلى أخر المكالمة.
الحقيقة أنا لو مش عارف صديقي ده كويس ونيته الطيبة وأصلة ومعدنه الطيب.. عمري ما كنت هشارك ده هنا أولاً.. وعمري كمان ما كنت همشي مكالمتنا كدا.
بشكل عام الظاهر لحضراتكم من نجاح حد معين ليس وليد اللحظة.. وليس وليد الصدفة!
فى الكون.. عندنا قانون أسمة
The law of Cause and Effect!
وده يا سيدي قانون السبب والنتيجة.
يعني عمرنا ما سمعنا فى الطبيعة أنك بكرا تروح تحط بذرة مانجا فى الأرض وكمان سنة هتطلع تين شوكي!
البذرة اللي أتحطت دي أسمها Cause
والفاكهة اللي أتحصدت دي أسمها Effect
وأحنا كبشريين... مسئولين عن ال Cause (السبب)
رب العباد مسئول عن ال Effect ( النتيجة)
يعني...
الفلاح هيروح يحرث الأرض، يسيبها مدة معينة، يحط البذرة، يروي، يسمد الأرض.. ويتابعها.. كل دول أسمهم Cause (سبب/مجموعة أسباب).
طيب.. يا تري فى أخر السنة الفدان ده هيحصد كام طن؟ طيب هيتباع الكيلو بكام؟ طيب ربنا هيبارك فى الثمرة دي وهتتباع فاخر واللا هتتباع فى السوق عادي واللا واللا .. دول أسمهم Effect .. مش بتوع بني أدم لأنه وارد يعمل كل حاجة... ومع ذلك رب العباد يٌريد إرادة تانية خالص.. لأسباب أحنا مش لازم نعرفها على فكرة!!
فصديقك اللي أنت شايفه وصل لمكانه مفيش حد فيكم كلكم وصلها ده متعرفش الضريبة اللي دفعها.
ساب القرية / المدينة وسافر لجامعة معينة علشان يتعلم على إيد أستاذ معين الجراحة دي بعد حضوره تدريب معين دفع فيه كام الف يورو لسه هيسدهم على كام سنة.
الأستاذ ده حضره معاه عمليات لا تعد بالمجان ومدلهوش فلوس.
كثر حضوره فى النوعيات دي من العمليات مرة و10 و50 لحد ما بس سمح ليه استاذه يشارك ويحط إيده.
لحد ما وثق فيه وشافه مستعد وقادر يشيل حاجة زي لواحده.. فشيلهاله.
إذاً ليس من العقلانيه فى شيء أن حضرتك تشوف أخر خطوه فى الألف ميل (شال عمليات زي دي فى السن ده) .. وننسي الاف الخطوات والأميال اللي تم فيهم أنفاق وقت، جهد، ومال لحد ما شطارته والأسباب وصلته لهنا.
بالمناسبة أه.. الكتاب قال أن مثل صديقك لما يطلع خطوة لفوق عن المعدل الطبيعي ويظهر ده أوي هيحصل حاله كره خفي.. ده أتذكر فى ال Behavioral Psychology >>> وهيحصل الأكثر كمان لو سيبت نفسك أو سيبت أي شيطان أنس يزودلك ده.
هيحصل أنك وارد توصل لدرجة يحصلك فيها حاجة تسمي Ambivalent Feelings... شعور أبن لذينه متضارب بشكل لا يتخيله عقل بين هو انا بحبه واللا بكرهه؟
طيب أكرهه ليه أنا شفت منه أية وحش!!
فمتلاقيش نفسك فعلاً بكل حساباتك وبالورقة والقلم شفت من البني أدم ده حاجه وحشه.. فيكره الشخص نفسه هو! ونفسه تاخد كل طاقة الغضب دي وتوجهه داخليا ليه.. ده لأنه أتمني الشر وزوال النعمه لإنسان ملهوش أدني علاقة ولا أدني ذنب أنه هو كويس!! وعلى هذا المنوال فقس!
المطلوب منك!
ببساطة.. تفكر نفسك صبح وليل بال Cause and Effect.. وتذكر نفسك أنك ملمستش ومشفتش منه غير كل خير كما ذكرت.. وتدعيله فى سرك فربما تنال دعاء الملك ب ولك مثله فيٌستجاب بأذن الله..
ولو أنا منك بصراحة... هروح أقله أنا شايفك أفضل مني فى الحته دي.. ممكن أتعلم منك ده؟ ومن هٌنا نبدء.. سواءً هينصح بتدريب تحضره، هيساعدك بحضور معاه أو مع غيره.. المهم أن المحصلة هيا أجابة السؤال اللي أنت هتتقيم عليه فى الماركت!
أنت بتعرف تعمل أية.. وبتعمله بأنهي Quality !
ولو هو زي ما وصفت.. عمره ما هيتأخر لأن صاحب عقلية الحل صاحب عقلية ثراء وفى عقلية الثراء كلما أعطيت كلما بوركت وحصدت مش مهم من نفس الشخص.. بس من مليار مكان تاني وفى مليار موقف أخر
FB Post's Link: https://www.facebook.com/daghash.eslam/posts/10220149906038320
Photo Source: https://pixabay.com/
No comments:
Post a Comment