What Coaching Really Is About?!

 الCoaching مش هيحل كل مشاكلك فى الحياة، الكوتشنج، التدريب، العلاج النفسي، الطب النفسي، التوجية المهني و و و.. دول أسمهم Helping Professions.. كل تخصص من دول لية حدودة اللي يقدر يبدء منها وينتهي عندها، وأي تدخل فى تخصص أخر بمثابة أعتراف بعدم مهنية الشخص وأعتدائة على التخصصات الأخري ومتاجرتة بحياة البشر.. طبعاً ده غير كونة بياكل مال حرام ودي قصة تانية.

طيب أنا ككوتش أقدر أساعدك فى أية وأمتي مقدرش أساعدك؟

لو عندك أي مشكلة من المشاكل الأتية دوري أني أساعدك فيها:

• أن يكون عندك أهداف.. وفى نهاية كل سنة تكتشف أنك مش بتحقق حاجه من الأهداف دي.. فتكون محتاج تضع خطة مكتوبة.

• المساعدة فى عملية أتخاذ القرار Decision Making زي أنك تكون واقف فى منتصف الطريق وبتقول أكمل فى اللي أنا فية واللا لآ.. أختار كذا واللا كذا؟

• المشاكل المتعلقة بتنظيم وقتك من زي التسويف، توزع المهام على فريق العمل والعملية الصحيحة للتفويض.

• مشاكل الCommunication، بدءً بالتواصل الداخلي مع النفس، ومروراً بالتواصل مع الأخر/ين، وأنتهاءً بالتواصل العائلي والتواصل مع فرق العمل.

• لما تلاقي فية خسارات كتير فى حياتك واضحة فبتخسر صداقات، علاقات عمل.. علاقات عائلية وحتى علاقتك بزوج / زوجتك.. ومش عارف أسبابها أو حتي عارف السبب وحل المشكلة لكنك بتلتزم بية لفترة وبتقع تاني.

• لما يكون فية فى حياتك أي Habit موقفاك ومعطلاك وعايز تغير أو تحذف أو تخلق عادة جديدة.

• لما تلاقي قناعة موقفاك فالطريق قدامك واضح، والمعالم والخطوات واضحة بس خايف تاخد خطوة نظراً لأنك بشكل دائم بتقول لنفسك حاجات كتير زي "I’m not good enough" و و و.

• مشاكل الLife Balance اللي ممكن تبدء بأنك مش لاقي أي وقت لنفسك أو لعيلتك وكل وقتك رايح فى جزء واحد فقط من حياتك.

• لما يكون دخلك المادي كويس ولكنك للآسف مش قادر تعمل أي Saving منه.

• لما تلاقي نفسك حواليك ناس كتير أوي أصدقاء وأقارب ومعارف بس مفيش حد فيهم أو قليل جداً منهم اللي فى ضهرك مؤمن بيك وبقدراتك و و و.. فمحتاج تكون support system على أسس صحيحة.

• لما تلاقي نفسك لسة واقف فى الDeath Zone أو اللي بتتمسي كتير Comfort Zone .. منطقة الراحة وحياتك أصبحت روتينية بحته مفيهاش أي جديد!

• وأخيراً الجزء اللي بيجيلي فية أكثر العملاء الجدد اللي بيتحولوا من أطباء نفسسين ومعالجين وهو أنك تكون أنتهيت من رحلتك العلاجية على خير حال وبتسأل طيب وبعين؟ فتكون حابب تبدء رحلة تطويرية لتطوير الذات ومحتاج تضعها فى شكل Personal Development Plan مكتوبة.

طيب أمتي مش هقدر أساعد حضرتك؟

• لو عندك أي مشكلة نفسية زي القلق المرضي / الأكتئاب / الوسواس القهري أو أي نوع من أضطرابات الشخصية.. الى أخرة. حضرتك هنا محتاج طب نفسي / أو مٌعالج نفسي مٌعتمد.

• لو بيراوضك أي أفكار أنتحارية أو عدوانية "أبوك هو السبب للعذاب اللي أنت فية ده، عايز تخلص من عذابك أخلص من والدك"

• لو عندك ذكري سلبية فى الماضي وحضرتك بتتواصل معايا وتطلب مني أني أساعدك تنسي الماضي وقتها هعتذر لحضرتك لأن فعلاً ده ليس تخصصي.

• أن حضرتك تيجي تقولي أنا محتاج أعرف ال Passion بتاعي وأي حاجه ليها علاقة بكلمة Passion .

• جميع المشاكل المتعلقة بالأطفال.

• أي مشكلة متعلقة بحد تاني والحل عند الحل التاني مش عندك أنت.

Post Original Date:  Nov. 3, 2019
FB Post's Link: https://www.facebook.com/daghash.eslam/posts/10215647516201388 Photo Source: https://pixabay.com/