أنت متخلقتش على الأرض فى وسط بشرية علشان تعيش لوحدك.. أتخدعت فى ناس، أهلك طول عمرهم بيحذروك من أن الصاحب هو اللي بيفسد صاحبة.. أياً كانت ظروفك.. فده مش معناه أنك تعيش لوحدك!!
كمية النظريات فى علم النفس اللي ألقت الضوء أن لا حياة صحية بدون أشخاص أصحاء فى حياتك تدعو لوقفة حقيقة مع النفس!
ولما نيجي لدور الصاحب.. خليني أسألك سؤال.. صاحبك ده بياخدك وبيروح بيك على فين؟ بيطلع بيك لقدام واللا بيرجع بيك لورا؟ شكل خروجاتكم؟ طبيعة كلامكم؟ مناقشاتكم قد أية مثمرة؟ بتبنيك واللا بتهدك؟ بتوريلك فرص على الأرض واللا بتقولك أن البلد دي بلد الوسايط و و و..
خليني أشاركك سر يا صديق.
من ٥ سنين بس أنا أتبعت مقولة جون سي ماكسويل "أن لم يكن لك أصدقاء حقيقيين فبدء بتكوينهم" وطبعاً لينا واقفة فى كلمة أصدقاء حقيقيين دي علشان الأصدقاء مش بعددهم!!! وقتها.. انا فلترت كل معارفي.. وقلت لنفسي أنا مش هكون صديق لحد إلا لو كنت أضافة حقيقية ليه.. حتى لو هكون أضافة فى مجرد أني أكون بقدمله أقصي قدر ممكن من الوفاء والأخلاص وأنه وقت ما يحتاجني يلاقيني فى ضهره لأني حد عنده قُدسية الصداقة عالية شويتين.. ثم سألت نفسي..
أنت عايز أية من الصديق يا دغش؟
وكانت الإجابة:
"عايز صديقي يكون بيساعدني للأنتقال للمستوي التالي فى حياتي وأكون معاه بكبر Psychologically, emotionally, intellectually, and financially"
وهنا كان سؤال.. طيب.. صديقك اللي أنت منتظر منه يقدملك ده.. هتقدم ليه أنت أية بقي فى المقابل؟
"هقولك فى أخر البوست المفروض تقدم لصديقك أية"
كنت قاعد مع صديقي حوالي ٣ ساعات متواصلين بنتكلم.. لقيته بيقولي صدق يا إسلام؟ أنا عمري ما قعدت كل الوقت ده مبصش فى التليفون أنا التليفون بقي مش بيسيب إيدي.. الوقت معاك بيجري يا أخي!
بعدها بشوية لقيتني فجأة قاطعته وأحنا بنتكلم وبقوله الكلام معاك كل مرة بيكون Eye opener ليا... الواحد بيخرج من قعداتنا يروح يراجع حاجات ويقرر حاجات وياخد Actions .. تعرف.. أنا أكبر أمنية فى الجواز عندي أني أقعد مع شريكة حياتي بنتكلم بهذا القدر من العمق والدفء والمصداقية والأنفتاحية وفية بينا تبادل للأفكار زي ما أحنا قعدين كدا بالظبط بنكبر مع كل نقاش!
ده نوع الصديق اللي حقيقي بتمني لو مش موجود عندك فى قائمة أصدقائك تدور عليه وتكونه!
صديق بيكبرك:
Psychologically
Emotionally
Intellectually
Financially
بس قبل منهم هسألك.. أن بتعرف تقدم أية فى الصداقة؟
شوف يا صديق.. الصديق الحقيقي بيقدم لصديقة الأتي:
ال Believe:: أنه بيأمن بيك وبقدراتك ربما تصل لدرجة أكثر من إيمانك بنفسك!
ال Challenge:: أنه بيتحداك وبيتحدي قدراتك ودائماً بيحطك فى الفعل.
الSupport:: ومعتقدش محتاج أشرح يعني أية بيكون ليك داعم!!
ال Celebrate:: عارف الشخص اللي بيقف مع صاحبة يوم فرحة من قبلها بفترة ده؟ عارف البنت اللي بتقف مع صاحبتها فى فرش شقة وتجهيز كوافير وفستان وفرح وكأنها حرفياً هيا اللي بتتجوز؟ عارف الشخص اللي يوم مناقشة الماجستير بتاعك بتلاقيه حاضر وجايب ورد وهدية وواقف بيصورك وبيبصلك فى عنيك بفخر لدرجة ان لما تتزنق فى سؤال صعب من اللي بيناقشوا الرسالة يبصلك بكل حزم وفخر كدا تستمد منهم طاقة أكبر!!! هو ده مستوي الأحتفال المطلوب منك.
أنا ليا ٥ أصدقاء مقربين فقط.. حاولت أبني صداقات أخري ولكن لم ترتقي بعد لهذا النوع من الصداقة.. وال٥ عندي هنا.. وال٥ شايفين وعارفين أني بقدم ليهم كل كلمة اتكتبت فى البوست ده.. وأشهد أنهم بيبدلوني ده فى المقابل.. وأتمني أنت تعرف تقدم ده وتلاقي الصديق اللي يقدملك ده لأنك تستحق وجود مخلصين زي دول حواليك
Post Original Date: Dec. 22, 2020
FB Post's Link: https://www.facebook.com/daghash.eslam/posts/10218960869433148
Photo Source: https://pixabay.com/
No comments:
Post a Comment