ومن كان منكم بلا خطيئة فليلقها بحجر!

بقابل ناس كتير أوي بتتكلم عن غلطات غيرها ووقعات غيرها وأزاي اللي بنت صغيره وقعته وأزاي يبقي قائد زي ده وموظف عنده يشتغله كدا.. وأزاي مدير بعد السنين دي ياخد قرار زي ده يخسر الشركة خسائر فادحة بالشكل ده.. إلى أخره.. والحقيقة أنا ليا جملة واحدة سنين بقولها فى مثل هذا الموقف.

متفرحش ومتتغرش بنفسك أوي.. علشان كل واحد مننا وليه واقعه.. كل واحد وبياخدله على مدار حياتة قلم أو أتنين.. فمتتغرش أوي علشان أنت مش ضامن شكل وقعتك والقلم اللي هتاخده هيبقي عامل أزاي.. وهتعرف تقوم منه واللا لأ.. وهفضل طول عمري من الناس اللي بتدعو للستر لدرجة بيجيلي رسائل أنا كان ليا علاقة جسدية بأكتر من سيدة قبل الزواج أو كان ليا علاقة جسدية بأكتر من رجل قبل الزواج نعرف شريك حياتنا أو لأ ودائماُ رأيي مادام سترك رب العباد لا تفضح نفسك ولا تفضح أخر بين العباد مع عهد منك أمام ربك بألا تقع فى مثل هذا الأمر مرة تانية لأننا يا صديقي لا نقع فى خطأً مرتين.

لا عمري شفت فضيحة نشرتها على فيس بوك ولا اتكلمت عنها وكل مرة بلاقي نفسي بقول اللهم أستره فوق الأرض وتحت الأرض ويوم العرض عليك وكل دعوة بتترد ليك وكل فعل جايلك جزائه تاني والله العظيم فى دنيا أو أخره!

!ومن كان منكم بلا خطيئة فليلقها بحجر 

Post Original Date:  Dec. 23, 2020
FB Post's Link: https://www.facebook.com/daghash.eslam/posts/10218971225892053 
Photo Source: https://pixabay.com/