مختص دخل كتب للرجالة أنتم ليه مفكرين ان الست الجنس عندها كالماء والغذاء ده عندكم أنتم.. هما عندهم أشبعها عاطفة وحب فى المقام الأول (وده معروف فى تخصصنا ولا يختلف عليه ٢). ثم قال أزاي تقولها كلام حلو بخطوات عملية فى ١ و ٢ و ٣.
هل تدخل الناس تشكره؟ لأ طبعاً.. ده الرجالة هيا اللي كانت بتشتمه!
- أنت يعني عايز تبين أنك فاهم اوي وجامد اوي يعني؟
- طب يعني اهلينا مكنوش يعرفوا حاجه وخلفونا وطلعنا زي الفل .. انتوا بتعملوا كدا علشان الناس دي تجيلكم!
وسيل من التهم!
أعرف واحده رسالة الدكتوراه بتاعتها كانت فى الجنس فكانت بتكتب بوستات توعويه روعه.. تدخلها واحده تكتبلها يا ريت تعملي جروب للستات بس علشان الرجالة ميشفوش الكلام ده (هستريه ضحك جاتلي يوميها من نقاشها وهيا مصمه أن ده اختلاط.. ايوه ايوه Social media ikhtalat) وناسيه أننا بنعاني على ما راجل يفكر يروح لمختص.. ده أقسم أن يوم ما بنلاقي راجل عنده مشكلة وبيعترف أنه عنده مشكلة بيبقي هاين علينا نقوم نبوسه وناخده بالحضن.. لأ.. هيا بقي شايفه انه الرجالة مفروض ميشوفوش البوستات دي.
وبعد شوية وقت.. نفسها تتسد.. تبطل تكتب خالص!
فكلمتين بقي لأي مختص بيكتب على الفيس بوك:
١- لو هتستني كلمة شكر من وراء بوست متكتبهوش لأن لو جالك منه كلمة تبنيك فلما تجيلك كلمة منه هتهدك.
٢- فى أول طريقك هتزعل من الكلام الملعون ده.. هتقول لنفسك هل جزاء الاحسان إلا الإحسان.. لما يحصل ده أعرف أنك مأخدتش مناعة لسه يا كبير.
٣- اللي فى أي مجال فيه بني أدمين ومتلطش منهم مره مرتين فده لسه مشتغلش.. بس لو وقعت فى المشكلة مرتين فى توقيتات وبيئات وظروف مختلفه مع أشخاص مختلفة أعرف أنك مبتشتغلش على نفسك كمختص وليك دور فى الغلطة دي.
٤- ال Helping Profession كله.. الأصل فيه الرغبه فى المساعدة ومن أحياها وأعمار الأرض.. لو داخله علشان أي حاجه تانية فغالباً والله أعلم دي مش أفضل سكة ليك والله أعلم والله أعلم.
٥- لو بعد كل ده.. وانت بتعمل أي عمل.. حسيت بنيه مزدوجه وراه وأنه مش لله.. فبلاش منه أحسن. يا أما تعرف نفسك وتكون واضح وصريح أن ده لبيزنس مش لله.. معندناش نيه مزدوجه يا صديق فى الدين.. فمن كان نيته إلى الله ورسوله ف إلى الله ورسوله.. وخلص الكلام.
٦- سبوا الله، وسبوا الرسل، وسبوا ولعنوا ابائهم وأمهاتهم.. مين انا وانت فى الكوتشينه لمؤخذه بقي؟
أكتبوا يا شباب وأنشروا علمكم فلعل والله يتصلح نفوس وبيوت بسببكم!
أكتبوا وغرقوا الدنيا كتابة ولكن أهم شيء كل بوست تكونوا متأكدين من ٣ حاجات:
١- ان النيه خالصه لله.
٢- أنك كاتبة By book.
٣- أنك لو هتموت بكرا هتكون جاهز تقول لله والله يا ربي ده كان أقصي علم اعرفه وقتها ولو كان عندي الأفضل من ده كنت قدمته.
جزاك الله كل خير يا صديقي يا اللي دفعت مئات الالاف بعشرات آلاف الساعات الدراسية علشان تكون جاهز تقف تدي محاضرة كاملة فى تخصصك بدون تحضير بعد ابلاغك ب ٥ دقائق.
Post Original Date: June 8, 2021
FB Post's Link: https://www.facebook.com/daghash.eslam/posts/10220161414606027
Photo Source: https://pixabay.com/
No comments:
Post a Comment