الجيل القادم هيدفع ضريبة مش بتاعته وضريبة وحشه أوي للآسف الشديد!
الأم اللي أبتلاها رب العباد بزوج لما أختلفوا قرر يشيل أيده من كل حاجة.. فأصرفي أنتي، وعالجي أنتي، وربي أنتي.
أو على النقيض.. الزوج اللي أتحرم من أنه يشوف أولاده عمداً لأسباب كتير.
تخيل بقى الأم دي لما تفضل صبح وليل تتكلم بصورة سلبية على الأب قدام بنتها؟ الأب الندل، أبوكم اللي سابكم ومشي، أبوكم اللي رماكم، أبوكم اللي ظلمني!!!!!!!!!!!!!
ها؟ رايحين على فين؟
برافو... رايحين على trauma through generations !!
يعني مش كفايا على البنت غياب الأب؟ وأن الطفلة المسكينة وارد أنها بتدور على أي راجل فى المرحلة العمرية دي يكون ال Male Figure فى حياتها تاخد منه جزء ال Male Figure Authority يطلع بقي خال عم جد!
لأ!!
ده أنا كمان بقولها خلي بالك من الرجاله.. الرجاله كلهم ذئاب بشرية.. خلي بالك علشان هيحصل معاكي زي ما حصل معايا.. خلي بالك ومدتيش الفرصة لراجل علشان نهايتك هتكون زي نهايتي.
فقدامنا حالة صعبة جداً.. حالة خلت البنت من البداية طالعه Not relationship material .. وعلى فكرة وأسفاً زي ما فيه شخص ممكن يكون Not relationship material فيه أسر بتطلع أولادها كلهم كدا.. وده يخلينا بنشوف حالات وأسر جميع الأخوات مٌطلقات مرة واتنين فهل يعقل أن 4 او 5 اخوات أخدوا 4 او 5 رجالة ظالمين بهذا الشكل؟!
والسؤال بقي؟
البنت الضحية دي (وهي ضحية قولاً وفعلاً) ذنبنها أية فى الحرب بينك وبين شخص أخر؟ ذنبها أية تدفع جوزها ضريبة راجل تاني وهو والدها؟؟؟؟
الأولاد... خط أحمر.
الأولاد.. خارج كل حساباتكم.
صورة السلطة الأبوية عند البنت خط أحمر ووالله والله لو أتهزت حياتها كلها تصدعت وربما بعد تجربة او اتنين من اللي حضرتك كأم وصلتيها انها تصل ليهم ستقف فى العلاقات على حافة الهاوية.
الأولاد.. مش كارت بيتلعب بيه.
الأولاد... خارج منافستكم.
متعلميش بنتك تدفع راجل تاني ضريبة بباها!
ده ربنا سبحانة وتعالي يوم القيامة هيحاسب كل واحد لوحده وعلى عمله "وكلهم أتيه يوم القيامة فردا"
وده رب يعني سبحانه يحاسب كيفما شاء ما شاء فتيجي حضرتك كعبد تعلمي بنتك (لا واعياً طبعاً) تدفع حد ضريبة حد سبقه!! هو من أمتي كبشريين كان فى حسابات العدل فى انهي دين مثلاً أننا ندفع حد ضريبة مش بتاعته؟ ما لكم كيف تحكمون!!
الله يعين بتوع التربية الإيجابية وال Parenting Coaching وطب نفس الأطفال والله وكل التربويين على اللي بيحصل بكارت الأطفال ده.
ويعينا كمختصين فى العلاقات على ما دول يوصلوا سن الزواج.. هنشوف منهم ما لا يتوقعه مخلوق وقتها لو فضل اللي بيحصل فيهم بالشكل ده قائم وموقفش!
Post Original Date: June 8, 2021
FB Post's Link: https://www.facebook.com/daghash.eslam/posts/10220160133494000
Photo Source: https://pixabay.com/
No comments:
Post a Comment