عقلية الاستثمار!

فى بداية حياة براين تراسي بيحكي أنة عدت علية فترة فى تعثر مالي شديد.. وقتها حد من المحيطين بيه قاله خد ال10 ألف دولار دول (ده من عشرات السنين) وأنا مش عايزك تردهم ليا.. دول أستثمار فيك بشرط أنك ترد ليا 20% من المكسب بتاعك مدي الحياة.

براين عمل المشروع بتاعة وبدء كل سنة يكسب أكتر لحد ما لقي نفسه أنة بيدفع 10 و20 و30 ألف دولار!! ثم قال أنا كدا عمال أسدد مبالغ كبيرة أوي وبخسر من الأتفاق ده حوالي ربع مكسبي فى السنة.. فبعت للمستثمر اللي أستثمر فيه وقاله أنت أدتني 10 أو 20 ألف وأنا حابب أردهم ليك 40 ألف دولار دفعة واحدة كاش فى مقابل أننا ننهي الأتفاق اللي أتفقنا عليه ده.

وهنا براين بيسألك يا صديق!

تفتكر لو كنت أنت نفسك سهم.. كانوا المستثمرين هيستثمروا فيك واللا لأ؟

ثم سأل تاني..

وأن كنت كذلك... فهل أنت سهم مٌتنامي القيمة أم لأ؟

يعني.. المستثمر السنة دي لو شافك سهم هيستثمر فى مقابلك كام؟ والسنة الجاية هيحط فى مقابلك كام؟ المؤسف أنه لو قيمك بنفس السعر فأنت كدا بتخسر لأنه زي ما قال بات رايلي "أما أنك تتحسن وإما أنك تزداد سوءاً فلا أحد يبقى على حاله"

براين لخص كلامه أنه أنا كمستثمر/ رجل أعمال/ قائد عايز لما أتعامل معاك قبل ما أقرر أستثمر فيك أقول "سأستثمر فيك.. سأصبح غنياً لأنك تزيد من قيمتك كثيراً"

يٌقال أن أفضل وأغني متسثمر فى التاريخ كان أسمة جاكوب فوجر.. أفضل استثمار الشخص ده كان بيعرف يستثمره كان فى الأشخاص ومشاريعهم! .. بيتقال أنه أفضل من وارين بافيت نفسه اللي السنة اللي فاتت كان مكسبة فقط 25 بليون دولار!

يمكن بقالي فترة بشتغل مع أقوي المستثمرين فى مصر وحرفياً بحكم شغلي ككوتش بنفكر مع بعض وبنخطط مع بعض شفت أزاي بيفكروا وأزاي بيخططوا.. بجانب أرض الواقع كان لازم أشوف العلم بيقول أية هنا وفضلت شهور بدعبس وكانت النتيجة الأتي:

فى ال Management تعلمت من جيمس كولينز: متسألش أجيب مين يعمل أية!! بل هات الأشخاص اللى شايفهم يستحقوا أنك تستثمر فيهم وركبهم معاك الBus وروح بيهم الشركة بتاعتك وأبدء operation وبعدها سيب كل واحد يحط نفسه فى المكانة اللي شايف أنة يستحقها.

فى ال Leadership تعلمت من جون سي ماكسويل: أن العامل الأول لأختيار التابعين ليك كقائد بلا منازع.. بلا منازع هو عامل الولاء! وماكسويل ممكن يكلمك فى كتب كاملة عن أن الولاء هو العامل الأول لأختيار شريكك أو موظفك أو التابع ليك واللي لو اختارته غلط ممكن يخسرك معركة ومعارك كاملة!

فى الRelationship أتعلمت من جوتمان: أننا مفروض منختارش شريك حياتنا على أساس هو مين وأبن مين وعنده أية وتعليمة أية والكلام ده! ولكن نسأل نفسنا الأول Is he/she the one؟

ولو كانت الأجابة أيوة.. هو ده الشخص اللي هيكون أماني وقت خوفي وغنايا وقت فقري وصحتي وقت مرضي وشبابي وقت هرمي وقوتي وقتي ضعفي لو حتي هنبدء من تحت الصفر فهيا بنا لأنه هنا مبقاش مجرد زوج/ة بل بقي شريك حياة ورفيق درب وصديق مقرب لعمر كامل!

"سأقول هذا مراراً أن أفضل استثمار تقوم به هو زيادة قدرتك على الكسب لتصبح أكثر قيمة كل يوم" براين.

والسؤال اللي حابب أسيبك معاه تفكر فيه شوية بينك وبين نفسك مش نقاش هنا..

تفتكر أنت سهم متنامي بيزيد سعره كل يوم واللا لأ؟

تفتكر أنت التابع اللي القائد بتاعة لما يشوفه يقول هذا التابع الوالي الذي يستحيل أستبداله فى أرض المعركة واللا مجرد عادي راح عادي فنجيب مكانه عادي؟

تفتكر أنت الشريك اللي لما الأخر يشوفك يقول He/she the one فمستعد أضحي بكل شيء مقابله واللا لأ؟

وهنا بيسأل... هل عندك خطة واضحة علشان تعمل ده؟

هل بتستثمر فى نفسك علشان تعمل ده؟

هل الفلوس اللي بتستثمرها فى نفسك دي فى مكانها الصحيح؟

وهل الفلوس دي تندرج تحت أنهي نوع إنفاق على النفس (فلوس رايحه ومش راجعة) واللا أستثمار فى النفس. 

Post Original Date:  Jan. 18, 2021
FB Post's Link: https://www.facebook.com/daghash.eslam/posts/10219157860557803 
Photo Source: https://pixabay.com/