المشكلة والحل!

 المشكلة:

راحوا عند الستات كلموهم على حقوقهم بس.

وراحوا عند الرجالة وكلموهم عن حقوقهم بس.

النتيجة:

ستات بتطالب بحقوقها ومتحفزه تضيع حتى لو هتقع فى أعدل رجل على الأرض وأتقي زوج.. برضوا داخله متحفزه.

رجاله بتطالب بحقوقها ومتحفزه حتى لو اللي لسه ميعرفهاش دي مكتوبه ليه أنها تكون أكتر زوجه صالحه مناسبة ليه.

والأتنين متأهبين لبعض حتى لو لسه ميعرفش كل واحد مين نصيبه.. لحد ما وصلت العلاقات أنها تبقي عند البعض بمثابة ساحة حرب.

المطلوب والمقترح:

بدل ما كل فريق ياخد التاني يقعد يكلمه عن حقوقه بس حقوقه بس حقوقه بس.. الله يكرم حضراتكم نعلمهم المعادلة بشكل متزن وهي كالأتي:

١- الواجبات اللي أقرها الدين والعلم.

٢- الحقوق اللي أقرها الدين والعلم.

ومن ثم يخرج جيل كل واحد فيهم بيقف يحاسب نفسه ويسألها.. يا تري أنا قدمت ما عليا من واجبات قبل أن أطالب بما لي من حقوق واللا لأ؟

فكروا كدا فى شكل مجتمع الأب عارف يلعب زوج وأب وموظف و و و.

وأم قادره تلعب دور أم وزوجه وموظفه و و و.

ها.. شكل المجتمع أية بعدها بمجرد بس ما عدلنا المعادلة لميزانها الصحيح!

Post Original Date:  June 7, 2021
FB Post's Link: https://www.facebook.com/daghash.eslam/posts/10220155008445877 Photo Source: https://pixabay.com/