من المؤسف جداً أنك تلاقي شخص ماشي يتهم الجميع بأنهم Toxic .. أبويا، أمي، أخويا، شريك حياتي، شريكي فى الشغل، زمايلي، أستاذ أبتدائي بل والعيشه واللي عايشنها كلهم هما اللي غلط.. وأنا بس اللي صح.. وميحاولش ولو مره يقف قدام نفسه بصدق وبعين الحقيقة يبص فى مراية نفسه ويواجهها ويتحداها ويسألها "هو مش يمكن أنا أكون السبب فعلاً أو على الأقل جزء من سبب المشاكل اللي أنا فيها حالياً؟"
صدق أستاذي إستشاري الطب النفسي فى مره وانا براجع معاه تقدم Client شغالين عليه مع بعض فقالي" يا إسلام.. اللي زي ده مش هو اللي تعبان.. اللي زي ده ..تاعب كل اللي حواليه"
وهنا تسمحولي أذكر نفسي وأذكر حضراتكم... بمقولتي المفضلة دي بتاعتي انا وأشتغلت عليها شخصياً سنين لحد ما بدءت أدخل فى عقلية الحل ومن وقت للتاني بحتاج أفكر نفسي بيها..
"غالباً.. لن تتمتع بعلاقة صحية مع أحد.. قبل أن تتمتع بها مع نفسك أولاً"
! البداية.. نفسك.. ثم الأخر.. ثم الأخرين. غير كدا مقدرش أضمن ليك أستمرار علاقة صحية مع أحد
Post Original Date: Sept 2, 2019
FB Post's Link: https://www.facebook.com/daghash.eslam/posts/10215168566027933
Photo Source: https://pixabay.com/
Photo Source: https://pixabay.com/
No comments:
Post a Comment