من قريب Business Owner كنت بشتغل معاه على خطة تطوير معينه للبيزنس بتاعه قالي " انا التيم كله عندي مفيهوش غير ٢ بس هما اللي عايزين يكبروا!" .. الحقيقة انه قالها بصوت يحزن شوية !
وقتها قلت لنفسي.. تفتكر هو فعلاً فيه شباب مش عايزين يكبروا لو جاتلهم الفرصة؟
فضلت أدور.. وأسأل.. وأجرب مع الشباب والطلاب الجامعيين.. وتوصلت لأنه.. أه... فيه شباب مش عايزين يكبروا.. حتي لو جاتلهم الفرصة على طبق من دهب!
طبعاً بعيد عن الأسباب الجذرية لده... تسمحلي أقولك كلمتين من قلب المطبخ لأني والله.. حقيقي بحزن لما بشوف شباب بتجيلها فرص انها تكبر ومبترضاش:
١- علشان اللي فوقيك يكبرك.. محتاج يثق فيك.. وعلشان يثق فيك محتاج يشوف شغلك.. وعلشان يثق فى شغلك محتاج يشوف نتيجته.. وعلشان يثق فى نتيجته لازم تكون بتوافق معايره.. فمن البداية.. أعرف أنت رايح لمين.. تبيعله أية.. بمعايير أية.
٢- هي قصة كبيرة.. بتبدء بسؤال مهم تسأله لنفسك.
أنا بعرف أعمل أية؟
صاحب الشغل مش هيشغلك غير لما يدفعلك ١٠٠٠ تجيبله ١٠٠٠٠ او على الأقل.. يدفعلك ١٠٠٠ تشيل من على راسه حمل فيفضي دماغه.. فيروح هو للأهم اللي هبكسبوا ١٠
٣- محدش هيعلمك ببلاش.. كل حاجه يا صحبي فى الدنيا ليها ثمن.. ولو ان فيه نسبه قليلة من الناس اللي زي حالاتنا اساتذتهم وقفوا فى ضهرهم فقالوا ان ده دين يوم ما نكبر لازم نكبر اللي تحتنا.. بس برضوا.. الاستثناء.. لا ينفي القاعدة.
٤- متسألش على الفلوس فى البداية!
مش كل حاجه فى الشغل الفلوس ! .. من خلال تجربتي المتواضعه.. خليني أقولك.. بل أقسملك.. ان معظم النماذج اللي شفتها بتجري ورا الفلوس مبتعملش فلوس !!
وانا شخصياً لما وقفت تفكيري فى الفلوس.. وأسأل نفسي يا تري الخدمه اللي بقدمها دي متقدمه بQuality واللأ لأ وفضلت اطور واطور واطور.. الحقيقة فرق معايا جداً !
٥- الفرصة لما هتجيلك.. لو انت مش جاهز ليها.. هتروح لغيرك.. ووقتها هيكون ندمك ٢ !
ندم اول على انها جت لحد عندك وضاعت منك!
والندم التاني عن كم مشاعر الذنب فى انك انت اللي ضيعتها بعدم جاهزيتك لها!!!! أجهزززززز وجهز نفسك.. أيون!! من قبل ما تروح هناك.. شوف هناك ده أية متطلباته.. وأجهز ليه من دلوقت!
٦- أرجوك.. كفاياك تشتت!!!
تشتغل سنه مبيعات.. سنه خدمه عملاء.. سنه تسويق.. سنه أدمن.. وسنه HR !
لو كنت من البداية ركزت على هدف واحد ومشيت سكته كان ال ٥ سنين دول حضرتك اتحولت من چينيور واترقيت لسينيور !
لتعلم يا صديق أن المُلتفت لا يصل.. وحط تحت الجمله دي ١٠٠ خط!
ركز يا صديق انك تبني نفسك الأول!
ركز يا صديق أن يكونلك خدمه بتقدمها الأول!
ركز يا صديق على الحرافية والمهنية والجودة الاول!
ركز يا صديق أنك تكبر وتكبر وتكبر وتكبر الأول.. وبعدها.. صدقني.. صدقني.. صدقني.. فيوم من الأيام الفلوس هيا اللي هتجري وراك.
ده ميعادك تسأل نفسك:
* أنا بعرف أعمل اية ؟
* بقدمه بأنهي جودة؟
* أية معاير قياس جودتي دي؟
* مين كبيري اللي برجعله ومعايره توافق معاييري واللا لأ.
* أنا فين.. وعايز أروح فين.. وهروحله ازاي!
غير كدا.. صدقني.. تظل احلام واماني وليس طموحات بأهداف مدروسة ومكتوبة تصل اليها بسعيك وجهدك واصرارك وعزيمتك وتصميمك.
وأفتكر تاني.. محدش هيعرف يساعدك! .. أخر حاجه حد يقدر يقدمهالك أنه يساعدك تساعد نفسك!
Post Original Date: Feb. 25, 2019
FB Post's Link: https://www.facebook.com/daghash.eslam/posts/10213896341983127 Photo Source: https://pixabay.com/
FB Post's Link: https://www.facebook.com/daghash.eslam/posts/10213896341983127 Photo Source: https://pixabay.com/
No comments:
Post a Comment