ضمن تصنيفات المجتمعات.. فيه تصنيفين مهمين جداً. وهم أن المجتمع ده قائم على أية؟ ال Individualism (الفردية) واللا ال Collectivism (القبائلية والعائلية).
على مدار التاريخ.. كان ومازال العرب مصنفين Collectivism .. فكر مجتمع.. فكر عادات وتقاليد.. فكر روح واحده وروح الجماعة وروح العائلة وهكذا.. بل أمتد الأمر لبدل روح القبيله يبقي روح القبائل.. إلى أخره.. فكر كامل قائم على الجماعة.. فالمجموعة هي المركز.
ومنذ القدم والمعروف عن العرب على مدار التاريخ شيم الكرم وأنه بيجري فى دمهم.. لدرجة أنه يقال أن قديماً كان معظم القبائل العربية تشعل النيران فوق أعالي الجبال حتي يهتدي بها من فى الصحراء فى حال أن أراد ماء بارد.. أو أكل ساخن.. أو أستراحه محارب فغذاءً أو نوم أو علاج.
هنا.. أقف متعجب!! كيف أنسلخ بعض الأشخاص من جلودهم حتي هذا الحد.
كيف استطاعوا تبديل جالهم من فكر جمعي حتى جعلوا أنفسهم هم المركز.. ولو أنت المركز فالمفترض الكون كله بيخدمك وبيشتغل لصالحك!
صاحب الفكر الفردي اللي أصبح حياته هي نفسه ونفسه فقط مش هيقدر يتخيل حتي يعني أية نعمل أكل وشرب فى صحراء لناس مسافرين منعرفهاش!! هنستفاد أية يعني!! أنا شفت بعيني ناس معاها ملايين وكانت بتناقشني فى فكرة أنه ليه زكاة فطر!!
صاحب الفكر الفردي بشكله المتطرف دماغه مش هتعرف تفكر غير أرقام وحسابات وأول فلتر عنده هيبقي
What is in it for me!
أيون هكسب أية بقي من وراك؟
مشكلة صاحب الفكر الفردي أنه من كتر ما هينصب نفسه كمركزية أنه حتي لما يفكر يروح يطور مهاراته الشخصية هيستخدمها لنفسه ولنفسه فقط.. وما أدراك ما صاحب هذا الفكر لو تمكن من مهارة معينة.
الشخص ده لو تمكن مثلاً من مهارة الذكاء العاطفي ممكن يبقي أخبث خلق الله.. يبعتلك رسالة الصبح مفادها "وما لي حبيب سواك" وبالليل بيتكلم عنك فى ضهرك وأول ما تختلفوا يقلب الاخوة الأعداء بل ربما يصل الأمر لكشف سرك محاولة للطعن بالضهر.. المهم أكسب.. ما هو انا بقي نفسي نفسي ويولع الأخرين!
بقابل فى الجلسات ناس بقف كتير قدام الفكر ده لدرجة البعض ممكن أعتذر أني أشتغل معاه.. يعني أية واحد مصمم علشان ميديش حق طليقته يلبسها قضية شرف؟
يعني أية زوجة بعد الطلاق مش عارفة تاخد مصاريف غير اللي المحكمة حكمت بيها فرفعت قضية تاني فعايزة تجيب ورق من ال HR بتاع شغل جوزها فتحاول بكل الطرق لدرجة تقديم رشوي جنسية لمدير علشان بس يصور أوراق معينة فتستخدمها ضده.
طيب كيف أنقلب حال المجتمع هكذا؟ طبعاً الأسباب كتيره جداً جداً جداً ولكن لو هناخد منها سببين بس علشان البوست ميطولش فأهم سببين من وجهه نظري هم:
١- السادة المختصين اللي يروحوا يجيبوا شوية علوم من الغرب(من مجتمع قائم على الفردية) ثم يترجموها (على مجتمع قائم على العائلة والجماعة) ويالاااا بينا.. دون حتي النظر لأعتبارات دينية ومجتمعية.. فيظهر لمعالجة نفسية بتقول لبنت بباكي Toxic Parent لو مقطعتيش علاقتك بيه وسيبتيله البيت متجيليش تاني.. أن ده عادي!
ويطلع كل حد يتكلم عن موضه الحدود بشكلها المشوه وموضه النرجسية وموضه التحكم وموضه وموضه..... والمؤسف أن الناس دي مبتراجعش نفسها الأول هل هيا أدت للطرف التاني حقوقه كمان واللا فقط حقي ثم حقي ثم نفسي ثم نفسي ويولع الأخر!
٢- أن العلم نفسه بقي بيتاخد منه مقتطفات فقط.. يعني اللي وصل بعض العلوم بتاعة الحدود بشكلها المشوه ليه موصلش علم زي علم التراحم؟ واللي لو موجود وبيتطبق هتلاقي الأثنين اللي بينفصلوا حرفياً هيخلصوا الموضوع كالأتي أنت ليك كذا وانا ليا كذا اتفضل وخلصت!!!! لا بقي قله الأدب اللي بنشوفها دي ولا محاكم ولا ولا!
والنتيجة؟
البعض بقي بيصدق عن بعض الوحش وممكن ميقدرش يصدق عنه الحلو.
ماشين شاكين فى اللي حوالينا ونواياهم ومتأهبين ومتوجزين بشك حتي فى نوايا الأخر!
قطع العلاقات بقي أسهل Option فى حين أنه فى العلم هو أخر أخر أخر أخر حل!!
طلاق وبيوت مفككه وعائلات بلا أسر ووجع قلب!
أخيراً.. ودي قالها السادات من عشرات السنين.. أجهزة الدول المعادية بتحاول هدم كل العادات والتقاليد.. لأن شبابنا لما يصبح بلا عادات وتقاليد.. ثم بلا دين.. ثم بلا أنتماء.. وقتها مش بس هيبقي بلا هوية بل هيبقي بلا مكان وبلا وطن.. وقتها هيبقي زي عجينه الصلصال يشكلوها زي ما هما عايزين.. والشخص اللي حاله بيوصل لكدا بيبقي أخطر فرد على الأمن القومي!!
Post Original Date: Feb. 23, 2021
FB Post's Link: https://www.facebook.com/daghash.eslam/posts/10219443840627126
Photo Source: https://pixabay.com/
No comments:
Post a Comment