فى أحدي كتب العلاقات عطى الكاتب مثال بسؤال هو المفروض لو خطيبك/ جوزك كان طالب تاكسي وجه التاكسي فوقف خطيبك/جوزك.. فتحلك الباب، أتطمن عليكي لما ركبتي، وقفلك الباب ولف يركب الناحية التانية تعملي أية؟
وكانت الأجابة من وجهه نظره.. ولا حاجه غير الأتي:
- إمتنان لوجود شريك مهتم وقائم على رعايتك.
- إبتسامة لطيفه.
- و Gentle thanks من قلبك مش مجرد كلمة!
ده كدا أفضل رد ممكن يتقدم للراجل فى موقف مشابه!!!
ثم ذكر مثال آخر... أية رأيك بقي لو حبيتي تردي ليه الموقف؟ فتنزلي من العربية علشان لما يركب ترديلي الموقف بأنك تتطمني أنه ركب وتقفلي الباب وترجعي تركبي تاني!!! موقف عمرنا ما شفناه ولا هيتشاف أنه طبيعي أبداً!
أوقات.. الراجل مش محتاج أي رد فعل غير إظهار الأمتنان والتقدير ليه وده أفضل شيء يتقدمله وقتها وبعض الأبحاث كانت بتقول أنه من أوائل أحتياجاته فى العلاقة.. وهنا بيقول جون جراي تعليقاً على هذا الأمر:
Traditionally, this is why men have been the ones who provide on a date. The man gets the woman’s number, the man calls her up, the man asks her out, the man comes up with a plan, the man picks her up, the man opens and shuts the car door, the man drives and navigates, the man buys the tickets, the man escorts the woman to her seat, the man takes responsibility for her comfort and happiness, the man pays the check. The man gives and the woman graciously receives!
الغريب أن الأمر مش بس فى كتب العلاقات.. بل أن حتي فى أحدي كتب الأستثمار براين تريسي قال أن معظم الرجال معندهمش مشكلة خالص أنهم يبقوا ماشين بكام بدله وكام قميص ويدي زوجته وأولاده فلوس يجيبوا دولايب هدوم والراجل لما يشوفهم سعداء هيكون فى غاية السعادة! بل حتي فى مجتمعنا تلاقي بعض الأباء الغير مقتدرين مادياً فى الأعياد يبقوا مهتمين أوي أن يجيبوا لأولادهم هدوم العيد وهما مايجببوش لأن الفلوس يا دوب هتكفي كام فرد فأولادي أولي أنهم يكونوا لابسين حلو فى وسط زملائهم وأقاربهم.
فالخلاصة:
- البنت والسيدة الفاضلة اللي مبتعرفش تمتن وتظهر أمتنانها عندها مشكله حقيقية. أوقات كتير الراجل مش بيكون مستني رد فعل بفعل بل مستني رد فعل بشكر وتقدير وأنه يشوف الرضا فى عين زوجته، الأمتنان والشكر من القلب على أنه بيسعي يقدم أفضل ما أستطاع ولو عنده أفضل هيقدم الأفضل.
- أما الرجل اللي مبيعرفش يكون معطاء ومتعلمش لغه العطاء والكرم والأهتمام والرعاية فهو فى مشكلة أكبر.. لأن أهم من أنك هتقدم أيه هتقدمه أزاي وهيوصل أزاي للطرف الأخر.. هل هيوصل فعلاً أنك شخص Care زي ما قال جون سي ماكسويل أن سؤال Are you care for me بيتسأل أصلاً Unconsciously (لا واعياً) فى العلاقه شاء الفرد أم آبي.. واللا هتوصل للدرجة الأسوء وهيا المنع عن العطاء بالرغم من المقدرة ودي من أسوء البلايا اللي يصاب بها الرجل!
- لو مفيش فى قاموس لغاتك الأمتنان وأظهار الشكر والثناء للطرف الأخر يبقي محتاجه تتعلميه قبل دخول علاقة مع الرجل.
- لو مفيش فى قاموس لغاتك كرجل لغة العطاء والرعاية يبقي محتاج تتعلمه قبل دخول علاقة.
ده للي حابب يدخل علاقة صحية بيبني ويستثمر فيها بفهمه لأحتياجات الطرف الأخر والدور الطبيعي والفطري للرجل والمرأة وبأنه دائماً بيسأل نفسه هل قدمت ما عليا من واجبات قبل أن أطالب بما لي من حقوق أم العكس؟ ... لأنه حقيقي.. حقيقي اللي بيعمل العكس ودائماً ما يطالب بحقوقه وحدوده فقط قبل ما يقدم واجباته أولاً... فهو بمثابة من زرع الثلج!! فحصد الجليد!
Post Original Date: Feb. 20, 2021
FB Post's Link: https://www.facebook.com/daghash.eslam/posts/10219427025806766
Photo Source: https://pixabay.com/
No comments:
Post a Comment