الناس فى الطموح تقدر تعتبرهم فى ٣ مستويات مختلفة:
- حد أقصي طموح عنده يشتغل فى الفور زيزون.
- حد أقصي طموح عنده يشتغل شغلانه كويسة ويقضي أخر كل سنة أسبوع فى الفورزيزون.
- وحد أقل طموح عنده فى مرتبة الثراء أنه يكون شريك ولو بنسبة بسيطة فى فندق زي الفورزيزون.
فى العلاقات.. بنشوف علاقات كتير جداً بتتهد بسبب ال Gap العظيمة فى الطموح... طرف مفيش فى معادلته أحلام وخطط وأماني وطموحات وطرف أخر طموحه فى السماء.
مينفعش بأي ظرف كان بنت من اللي أقل طموح عندهم تكون Share holder فى فندق زي الفورزيزون ترتضي الأرتباط بشاب أقصي طموح عنده يشتغل فى الفورزيزون وهيا عارفة كدا من البداية ثم تيجي تحاسبة وتحسسه طول العلاقة أنه مقصر لأن الطموح حاجه من الحاجات اللي بتكون واضحة جداً ومن البداية فلازم يتوقف عندها كتير من البداية!!!!
وهنا محتاجين نشير لكام نقطة:
١- الطموح من الحاجات اللي مبتتزرعش جوا الشاب! يعني مش سهل أبداً أقنعك تبقي طموح مهماً عملت معاك!! مش عايز مش هتكون!! ببساطة!!
٢- من رحمة ربنا زرع درجات متفاوته من الطموح داخل البشر.. واللا تخيل كدا لو كل الناس نفسها تبقي ظباط طيب من العساكر؟ لو كل الناس نفسها تبقي قادة طيب مين التابعين؟ لو كل الناس رجال أعمال مين اللي هيشتغل موظف؟
٣- ودي كانت النصيحة الأولي اللي درستها فى ال Money Management وهيا
Marry the Financial right person
ودي تحت منها شروحات لنقط كتير جداً أبسطهم أن فيه واحد دخله النهاردة بسيط.. بس ده هيكون ثري فى يوم من الأيام لأنه عنده حاجتين: طموح + عقلية ثراء.
وفية واحد تاني معاه فلوس بس عمره ما هيعرف يستمتع بيها ولا يمتع بيها عائلته لأنه يمتلك عقلية الفقر وسيكون ماله بمثابة لعنه عليه! لأن الفلوس هتشغله عندها ومهماً وصل لمال هيفضل جعان للأكتر زي اللي بيشرب من البحر!! فى حين أن صاحب عقلية الثراء هو اللي بيشغل الفلوس عنده.
وبالمناسبة.. أثري أثرياء العالم وأفضل ناس بيعلموا الناس أزاي يعملوا فلوس هما اللي بدءوا من تحت تحت تحت الصفر زي وارين بافيت و تي هارف ايكر وكتير جداً من الأسماء.
عقلية الثراء ملهاش علاقة بالفلوس من قريب أو بعيد.. هي عقلية.. زي صاحب عقلية المشكلة كدا اللي بيشوف المشكلة حتي فى كل فرصة واللي عقله مصورله الشك والشر من كل البشر فهيشوف الشر وعمره ما هيشوف الخير حتي لو من أفضل خلق الله.
الناس على ٣ مراتب فى الطموح:
- حد أقصي طموح عنده يشتغل فى الفور سيزون.
- حد أقصي طموح عنده يشتغل شغلانه كويسة ويقضي أخر كل سنة أسبوع فى الفورزيزون.
- وحد أقل طموح عنده فى مرتبة الثراء أنه يكون شريك ولو بنسبة بسيطة فى فندق زي الفورزيزون.
عايز تبقي مين فيهم وازاي تحط خطة توصلك لده فده قرارك... قرارك ومسئوليتك.. وحدك!
Post Original Date: Feb. 9, 2021
FB Post's Link: https://www.facebook.com/daghash.eslam/posts/10219345481328205
Photo Source: https://pixabay.com/
No comments:
Post a Comment