One Minute Technique!

واحدة من الحاجات اللي اتعلمتها فى الCommunication أنه كلما زاد البعد (بكل آشكاله وأنواعه واللي أسهلهم الجغرافي - وأصعبهم النفسي والجسدي) .. كلما زادت أحتماليه الموت الحقيقي بين الطرفين للـ Communication!

أية ده.. يعني هو الموضوع مش أبعد حبه تزيد محبه والكلام الجميل ده!

شوف يا صديق.. قاعدة عامة لا تقبل حتى الجدال العلمي عليها أنه منذ بدء الخليقة وحتي قيام الساعة...

Every relationship has its ups and downs

مش مصدقني؟

حقك.. بس قولي.. يا تري عمرك ما اختلفت مع والدك أو والدتك، أخوك، أختك؟

ممممممممم.. طيب كمل قراءة بس كمل

اه.. كل علاقه بتمر بوقت تقارب وتباعد.. وقت طبيعي تكون محتاج ال We time ووقت محتاج بس شوية Me time (وخاصة لو كنت Introverted )

لكن..

ده لا يمنع آنه فى النهاية المفترض أن الطرفين راجعين تحت سقف علاقة واحده.. وانه المفترض ان ال Break اللي بيتاخد فى العلاقة ده لتقويتها وليست ضعفها.. علشان يتحقق بيه قانون Disconnect to Connect .. أنك بتفصل من حاجه علشان لما تتواصل بالحاجه التانية تتواصل بيها بمبدء Here and now (هنا ودلوقتي)

فبتفصل من الشغل قبل ما تروح بيتك.. علشان لما تروح بيتك تبقي فيه Connected بجد.. فتبقي قاعد معاهم بقلبك وروحك وجسدك وعقلك..

مش قاعد مع شريكة حياتك بجسدك فى البيت حاضر.. وعقلك وفكرك سايبهم فى الشغل!! (وده للأسف لو بيحصل فدي علامة بتقولك من فضلك بص على الLife Balance بتاعك)

للآسف.. وفى كثير من الأحيان يدخل طرف فى الصومعه (وغالباً ده بيكون الرجل) .. فالتاني يقول سيبه براحته.. سيبه ... سيبه.. تزيد المده.. تزيد أكتر..

ومن ثم يبدء طرف ما يدخل فى عمليه نفسيه مٌعقده شوية بيكون بعض مراحلها بداية الشعور بالوحده (حتى لو كان الشخص مش واخد باله منها ولا مصنفها وحده) !

ومحدش فينا بيحب الوحده!

Loneliness is a dear old friend who comes by every once in a while

من أكثر ما قرأت وتركت معي آثر هذه المقولة اللي بتقول ان الوحده صديق قديم مر على كل شخص فينا لفترة ما.

لكن الحقيقة أنه مفيش حد متوازن عايز يرجع للصداقة المؤذية اللي أسمها وحده دي مره تانية !

فخلي بالك كويس.. فترات بعدك بتسيب فى الطرف التاني أية.. وده بيكون تأثيره أية على العلاقة!

كثير من الأحيان فترات البعد لما بتطول مش بتكون فى مصلحة حد.

كتير فترات البعد لما بتطول بتبدء تقتل حاجه جوا كل طرف.

كتير فترات البعد لما بتطول يبدء الشخص يأقلم حياته على البٌعد.. وكتير أوقات لما يحاول يقرب الطرف التاني.. ممكن يستغربه جداً.. لدرجة عدم تقبل قربه أحياناً.. وشفت حالات كتير من دي للآسف ( هو جايلي بعد ما أنا مبقتش محتجاله.. كان فين وقت ما كنت فى عز الاحتياج اليه وشافني بعاني بنفسي من ده ورحت قلتله وطلبت منه مره وأتنين.. أعتقد أن خلاص.. أهتمامي بيه وبالعلاقه مات! )

فأياً كان بعدك.. واياً كان أسبابه.. رجاءً حاول متبعدش أوي.. لآن للأسف بعض المشاعر البشرية لو فٌقدت.. يصعب استرجعها.

وعليه:

* مهماً كان البعد الجغرافي بينك وبين الطرف الآخر .. على الأقل مكالمة ولو فى أخر نص ساعه فى اليوم بتتكلم عن اللي حصل من أمبارح والنهاردة وخططكم لبكرا.

* لو أنت موجود فى نفس المكان.. حاول تفضي وقت لشريك حياتك.. ولو ساعة يوميه فى أخر اليوم.. بس ساعه ب Quality time.. قاعد فيها ب Here and now!

* رسالة الأنقاذ.. البسيطه المؤثرة .. ودي رسالة فى نص اليوم SMS / Inbox بتبعتها للPartner .. بيقولوا يا سيدي دي بتندرج تحت ال One Minute Technique يعني مش بتخسرك غير دقيقة فى نص اليوم.. جربها

Post Original Date:  Aug. 18, 2019

FB Post's Link: https://www.facebook.com/daghash.eslam/posts/10215061345987499 
Photo Source: https://pixabay.com/