مبتقتش بتعجب لما الاقي عميل بعد ما بدء ياخد خطوات ويحقق نجاح ورا التاني انه يجي فى Session بعد كدا يقولي "فلان اللي كنت مفكره هيكون اول واحد صديق واقف جنبي لقيته وكأنه زعلان اني بنجح .. ده لدرجة أنه أنقلب وكأنه عدو ! " وبقت حاجه بسمعها كتير جداً !
الحقيقة أن مش لازم كل الناس وقت نجاحك تدعمك ! ولا لازم كل الناس تذقك ! .. ولا هتلاقي كل الناس بتسقفلك ولا بتحتفل بيك ولا بترفعك لفوق ولا هتسوق ليك .. بل ممكن كتير منهم يسوء فيك !
* مش أي زوج هيكون زي الازواج اللي بشوفهم اللي هما لسه بكالريوس لكنه عمال يدعم فى زوجته لحد ما خلصت ماجستير ودكتوراه وبقي ليها شأن عظيم.
* مش كل زوجة هتفضل تزق فى جوزها صبح وليل وتساعده وتنفذ وتخطط تاني وتالت لحد ما توصله للمستوي اللي عمره ما كان هيوصله بدون وجودها !
ناس كتير هتخاف من نجاحك.. اللى هيخاف على مكانته.. واللي هيخاف لتاخد رزقه .. واللي هيخاف لتعلي عليه .. واللي هيبدء يحس بدونيته بسبب علو شأنك.
وهنا ليا نصيحتين ليك:
1- أوعي توري لدول نجاحك الحقيقي .. ووانت قاعد معاهم تواضع وخليك أقل من العادي وأقل من مستواهم.. واياك وانك تهز ال Ego بتاعهم لآن كتير منهم ممكن شوية الايجو دول اللي يكونوا معيشينهم بينا كدا ولو اتهز حرفياً ممكن يبدء كامل تصدعهم النفسي.. فبلاش يكون بسببك او بسبب نجاحك!
2- تعرف ان مش دول اللي هيرفعوك للمستوي التالي فى حياتك وابدء كون ليك Support System بجد... وقت ما تقع او تقف فى نص الطريق او تكسل او او تلاقيهم بيقولولك قووووووووووووم... قوم يلاا لسه بدري.. لسه بدري أوي
Sky is your limit my friend !
Post Original Date: Nov. 15, 2018
FB Post's Link: https://www.facebook.com/daghash.eslam/posts/10213224856236403 Photo Source: https://pixabay.com/
FB Post's Link: https://www.facebook.com/daghash.eslam/posts/10213224856236403 Photo Source: https://pixabay.com/
No comments:
Post a Comment