معظمنا ضحايا.. لضحايا!

 !معظمنا ضحايا.. لضحايا

أمبارح كنت بذاكر فى المشاعر والافكار وتكونيها وتأثيرها على الشخص فى الماضي والحاضر والمستقبل.. لفت نظري جداً السطرين دول

"When We Are Very Little, We Learn How to Feel about Ourselves and about Life by the Reactions of the Adults Around Us"

وكمل الكاتب بأنه حضرتك لو كانت نشأتك فى بيئة غير صحية .. سلبية .. لوامه.. ده هيأثر على حياتك جداً فيما بعد.. مش بس كدا.. غالباً .. هنعامل نفسنا بنفس الطريقة اللي كانوا أهلنا بيعملونا بيها.. يعني.. لو واحد بشكل دائم بيتقاله You never do anything right .. انت مش هتتعلم .. شايف أبن عمك جايب 99.5% وانت جايب 98!! .. أنت هتفضل طول عمرك كدا.. ده غالباً هيكون عنده اخطاء معرفية او أخطاء التفكير Cognitive Distortion بعده افرع وتحديداً اكتر نوع فيهم هو ال Personalization (زي الام اللي يسقط ابنها فى الامتحان مثلاً فتقول انا السبب.. لو كنت ذاكرت ليه زيادة عن كدا مكنش كل ده حصل.. انا فشله ..حتى فى كوني أم .. وتبدء فى رحلة الجلد الذاتي!!!)

على النقيض فيه واحد كان بيتقاله “You are wonderful.” “I love you.” وبيتشكر فيه وبيتسقفله على اي انجاز.. وده بيوصلنا لمنقطة أنه غالباً نظرتنا لوالدينا أما بتجذبنا تجاه حد شبههم أو بننفر من اللي شبههم (أنا مش عايز زوجة زي والدتي - أنا مش عايزه راجل زي بابا.. انا عايزه حد يعوضني كل اللي اتحرمت منه)

لحد كدا ماشي عادي.. لحد ما قريت We are all victims of victims وشرح المبدء ده!

أفتكرت وقتها كم الكلام اللي بسمعه عن الأهل زي:

"أهلي هما السبب فى كل شيء وصلت ليه دلوقتي
"

" ليه والدي مكنش زي والد فلان .. صحبه .. انا عمري ما حسيت بوجوده لا كأب ولا كصاحب"

لو وقفنا هنا.. اللي يشوف الصورة (وخاصة صورة زي دي) يقول اننا كلنا ضحايا !

بس لو حد قال لحضرتك انك ضحيه وسابك ومشي.. حتى ولو كنت .. وهو عنده حق.. فده حق يراد به باطل !

We are all victims of victims !

اي حد غير مختص هيبص فى الصورة المرفقة هيشعر بغضب تجاه الزوج.. والمختص اللي هيبصلها غالباً أول حاجه هتيجي فى دماغه تاريخ الشخص ده وليه أصبح ما عليه الان ! (واحدة من اللي انصحك تقرأ فيها هيا ال Transactional analysis علشان تفهم ده)

وقتها الصورة هتختلف شوية!

تخيل معايا كدا..

الشخص اللي فى الصورة ده طلع واتربي وكان بيتعمل معاه كدا.. أفتكر ان ده الحب.. واني علشان احبك اذعقلك .. اضربك .. اهينك .. او اعقبك بأي شكل لاني متملكك !

الشخص ده طلع فى بيت والده صدر ليه ان الراجل فى بيته بذعيقه وشخطه وسيطرته بصوته العالي .. فتضخم جواه ذات الوالدية الناقضة !

وعليه:

1- عايز تعرف أهلك بجد .. سيبهم يتكلموا شوية عن طفولتهم.. وعن معانتهم لحد ما وصلوك للي انت فيه دلوقتي.

2- أسمعهم براحمه .. بعطف.. بأهتمام.. أعرف منين بتيجي فعلاً مخاوفهم عليك (اللي اتزرعت جواهم)

3- أسألهم اية المطلوب منك علشان تطمنهم تجاة المخاوف دي.

4- أبدء كلم أهلك ب WIIFM (هما هيكسبوا ايه لما تعمل ده؟)

5- سامح ما صدر منهم فى الماضي.

6- أعرف نمط شخصيتهم وأفهم ازاي عايزين يتعاملوا وازاي بيتحبوا وعاملهم وحبهم بالطريقة اللي تناسبهم

7- حاضرك بتاعك أنت .. اتنين بس يقدروا يتحكموا فيه .. ربك .. ونفسك ! .. فقط .. فقط .. فقط ! .. كونك شايف نفسك ضحيه ده معناه ان تبحث عن نقاط ضعفك كي تقويها لا لتبكي بجانبها ... هكذا تقول عقلية الحل!

8- اعرف ان محدش هيساعدك.. اقصي حاجه الناس ممكن تعملها انها تساعدك تساعد نفسك! .. محدش هيساعدك لو انت مش عايز ده!

9- أرجوك.. أرجوك.. أرجوك.. متدخلش فى اي علاقة عاطفية.. متتجوزش.. متخلفش.. الا وانت معالج مشاكل الماضي ومتسامح معاها وعارف ازاي تدير ذكريتها كويس.

10- أدرس Positive Displine ولو ورشة عمل 10 ساعات حتي قبل ما تفكر تجيب اطفال علشان تعرف تبنيهم صح.

وأخيراً.. أعرف ان أهلك ربوك باللي يعرفوه.. واللي يقدروا عليه .. ولو كان فأديهم تقديم أفضل من ده كانوا فعلاً عملوه.

Post Original Date: Nov. 23, 2018
FB Post's Link: https://www.facebook.com/daghash.eslam/posts/10213271401440004 Photo Source: https://pixabay.com/