هناك فائدة عظيمة للكوراث!

 لما تخرج من علاقة أنهكتك.. سواءً كنت انت صاحب نسبة الخطأ الأكبر أم الأخر عليك أولاً أن تردد مقولة إديسون "إن هناك فائدة عظيمة للكوراث، إن كل أخطائنا قد دُمّرت، الحمدلله أننا يمكننا البدء من جديد!"

ثانياً: تاخد أستراحة محارب محترمة.

ثالثاً: تخرج من أستراحة المحارب دي بعد ما تكون واجهت نفسك بالحقيقة مهماً كانت مرارتها وأنت على علم بأنة فى الطبيعي وبنسبة لا تقل عن ٩٠% (النسبة دي من وجهه نظري) وزي ما علمونا اساتذتنا واتعلمنا فى دراستنا ومن الكتب ومن خبرات الأخرين وتجارب الحياة أنه غالباً غالباً غالباً كان ليك دور فى أن العلاقة تفشل وتصل لما وصلت إليه.. لا يهمني أبداً أصل هو عمل أصل هيا سوت أصل أصل. ولكن كل اللي يهمني بجد.. هو أن تدرك أخطائك، تدونها مكتوبة أمامك لتراها رؤي العين، ثم تتقبلها كما هي وتعترف بوجودها.

الأن يتبقي لك خطوتين مهمين جداً:

* أن تقرر أصلاح ما يمكن أصلاحة من عيوب لديك.

* وأن تكون نيتك أن تبدء من جديد وأنك تكون متأكد وأنت داخل العلاقة الجديده أنك سيبت كل حاجه من القديمة هناك، ولو هتاخد حاجه فهتاخد الدروس المستفادة فقط..

تاني.. اللي جاي ملهوش دعوة باللي راح.. لا مشكلتة ولا ذنبه أنك تدفعه ضريبة مش بتاعتة!

فى العلاقات.. لو سيبنا علاقة ودخلنا أخري بنفس الشخصية ونفس الظروف ونفس كل شيء.. وقتها غالباً غالباً هنوصل لنفس النتيجة.. وقتها لو هتبدء توصف كلمة Relationship وصف سلبي ومش بعيد كمان تمشي تنشر للناس أنك أتظلمت عايزك تعرف أنك مادام ده تكرر أكثر من مرة وفى أكثر من علاقة.. أن كدا حقيقي حقيقي فية حاجات عندك أنت محتاجة تتغير مش الأخر... يا سيدي لو وصل أنك زي الفل وشخصيتك عظيمة ربما يكون الحاجة اللي محتاجة تتغير أنك تتعلم تختار صح وعلى أسس علشان لو دخلت تاني علاقة وتكرر ما تكرر.. وقتها بجد أنت اللي هتكون ظالم لنفسك، وللأخر وليس هو.

تذكر: هناك فائدة عظيمة للكوراث، إن كل أخطائنا قد دُمّرت، الحمدلله أننا يمكننا البدء من جديد!

Post Original Date:  May 3, 2020
FB Post's Link: https://www.facebook.com/daghash.eslam/posts/10217207661524046 Photo Source: https://pixabay.com/