لا ترتبط بمن هو أقل منك فى المستوي الفكري والثقافي!

 لا ترتبط بمن هو أقل منك فى المستوي الفكري والثقافي!

٩٥٪ من حالات الطلاق سببها الأول سوء وضعف التواصل بين الطرفين (Lack of Communication) ده فى الظروف العادية كمان.

فتخيل بقي أننا ضيفنا على ده، ظرف أن فيه مستوي ثقافي شاسع بين الزوجة وزوجها!!

فتلاقي شخص أنبهر بجمال خارجي لبنت، وتلاقي عائلة بنت أنبهرت لما شافت عريس لقطه ومستريح مادياً.. فبدءوا الطرفين يقيموا كل حاجه، حرفياً كل حاجه!!! الأ أهم شيء!

الدماغ!!!

* دماغ البني أدم اللي هتعيش معاه!!

* دماغ البني أدم اللي هتشارك معاه اللي مشاركتهوش مع والدك ووالدتك!!

* ثقافة وفكر الطرف الأخر!

من قريب كانت بنت بتقولي "أنا عايزه الحد اللي أكون قادره أني أقعد أتناقش معاه فى كتاب.. فى فكر فى فن"

تخيل بقي لو نفس المستوي الفكري ده أرتبط بشخص على النقيض!

* فشاف أن الكتب دي مجرد ورق.

* وشاف أن اللوحات دي ولا فن ولا نيله، وأهي حاجه الأغنياء الفاضيين بيضيعوا فيها شوية وقت.

* وشاف أنه "العلم فى الراس مش فى الكوراس فليه لزومه كل شوية تروحيلي مؤتمر وورشة عمل ومحاضرة!"

ها؟

متخيل كم الصراعات اللي جوا البيت؟

طب أقولك.. سيب الأمر ده وأنزل ع الأتقل.

تربية الأطفال.

عايزة أدخلهم مدارس لغات يا أحمد.

فيرد بعصبية شديدة.. ده على أساس أن أنا وأنتي ولاد سيد بك نابلسي!

طيب أهلي وأهلك مكنوش مقتدرين يا أحمد، دلوقتي مادياً وضعنا يسمح بأغلي مدارس فى مصر فليه نقارن؟/

ويفضل الخناق لحد نص الليل زي كل يوم طبعاً !!

لو هعدلك المواقف مش هتخلص، وأعتقد أني مش محتاج أطيل أكتر من كدا لأن الصورة يمكن تكون وضحت قدامك دلوقتي.

بشكل عام عندنا فى الCommunication فية قانون كدا أتمني تحفظه.

كلما زاد ال Gap .. كثرة المشكلات!

كلما كثرت المشكلات.. دام وطال الخلاف.

كلما دام وطال الخلاف.. غالباً.. سيموت القلب.

واذا مات القلب، وانطفأت المشاعر، وقلت الرغبة، فغالباً .. غالباً.. ستصبح العلاقة حينها على حافة الهاوية!

فمن البداية، كونوا رحماء مع أنفسكم، وضعوا ضمن موازينكم.. ميزان للتشابه الفكري والثقافي.. واللي لو صدقاً صدقاً ممكن تتنازلوا عن أي شيء وترتبوط بحد أقل منكم مادياً أو أجتماعياً أو حتي علمياً.. لا تتنازلوا أبداً عن أنكم ترتبوط بحد فى مستواكم الفكري والثقافي.

أهتموا بالمستوي الفكري والثقافي.

هتموا بالمستوي الفكري والثقافي.

أهتموا بالمستوي الفكري والثقافي!

Post Original Date:  June 24, 2019
FB Post's Link: https://www.facebook.com/daghash.eslam/posts/10214672445865239 Photo Source: https://pixabay.com/