الناس هما السبب !

 عندما يعاني شخص ما مشكلة مع الجميع، فعادةً ما يكون الشخص نفسه هو المشكلة.

أول ما قريت المقولة دي أفتكرت قصة لطبيبة نفسية أمريكية كانت بتتعالج من أدمان حب شخص ما.. لم أقرأ فى حياتي وصف لمشاعر الحزن والألم النفسي للوحدة والاكتئاب مثلما وصفت الطبيبة دي اللي مرت بيه

قرأت مذكراتها واللي كتبتها بعد طلب من الLove and Marrige therapist بتاعتها بعد حوالي ١٣ جلسة.. أكتشفت حاجه غريبة!

الطبيبة النفسية دي مفيش مرة قالت انه هو السبب فى اللي وصلتله دلوقتي! (فى حين انها كانت بتقول عكس ده قبل الجلسات)

ليصبح كل كلامها:

انا اللي قصرت فى حق نفسي!

انا اللي اخترته بس علشان كان شبه بابا... فقلت انه هيديني الحنان اللي اتحرمته من بابا.. فمينفعش أظلمه.. هو ملهوش أدني ذنب.. واحد محبش واحدة حبته فسابها وراح للي حبها .. يبقي ليه هو السبب فى مشاكلي دلوقتي!!

على النقيض قصة مختلفه تماماً !

كوتش كانت كاتبة فى كتاب عن العلاقات أنها كان عندها Client لسة خارجة من تجربة أنفصال وعندها شوية مشاكل لحياتها المتلغبطه بعد القرار ده.

بتقول انها كل مره كانت تديلها Tasks تعملها ترجعلها بنتيجة واحدة!! واحدة فقط!!!

الناس هما السبب !

فبتقول بعد الجلسة الخامسة قررت أنها تستخدم طريقة جديدة.. أنها تقول هيا كان دورها أية فى كل اللي وصلت لية دلوقتي!

طبعاً فى الأول كان فيه شوية رفض ومقاومة من العميلة على وزن يعني كل اللي كتبتهولك ده وجاية تقوليلي اية اللي انا قصرت فية واية اللي عملته او حتي معملتهوش وصلني لوضعي الحالي!!

طبعاً هنا القصة طويلة والكوتش علشان خبرتها قدرت تخلي العميلة تواجة نفسها فعلاً وتواجه اللي كانت بتهرب منه لسنين!!

كان رأي الكوتش ببساطة أنك مش هتنتقلي لعلاقة صحية غير لما انتي تكوني فى علاقة صحية مع نفسك الأول دي أول محطة !!

احنا بنعرف الماضي هنا.. علشان منقعش فية مره تانية لأنك بكرا هتتعاملي مع ناس تاني وهترتبطي تاني و وو.

الكوتش كان رأيها (اللي كاتباه فى الكتاب كنقل خبرة وبالتأكيد مقلتهوش للعميله لأننا لا بنحكم على عميل ولا بننصحه ولا بنديله راي شخصي او او)

أنه مش معقول يعني حضرتك كل ما وصلتي الية من عدم توفيق الناس السبب فية !

مكنش عندي طفولة علشان أهلي.

مجيبتش متطلبات الكلية اللي حلمت بيها لان أهلي كانوا مقصرين معايا وقتها.

كل اللي فى الشغل مبيحبونيش

زي الناس كلها .. عادي يعني.

حتي لما اتجوزت كام مرة.. مفيش مرة حد حبني واخلصلي وكمل معايا!

فيه هنا كام سطر حابب أستئذنكم تقرأوهم أكثر من مرة وعلى مهل!

" لنواجه الحقيقة !!! ليس كل شخص لدية المهارات اللازمة لبدء وبناء وتعزيز علاقات صحية قوية. لقد نشأ العديد من الناس فى بيوت مضطربة ولم تكن هناك أبداً علاقات إيجابية يقتدون بها.

بعض الناس يركزون بشدة فقط على أنفسهم واحتياجاتهم لدرجة أنهم لا يرون الأخرين ولا يشعرون بوجودهم.

وأخرون.. تعرضوا لأذي شديد فى الماضي بصورة تجعلهم يرون العالم بأسره من خلال عدسة الامهم وبسبب ضخامة المناطق العمياء لديهم فيما يتعلق بالعلاقات، فأنهم لا يعرفون أنفسهم ولا يعرفون كيف يتعاملون مع الناس بطريقة سليمة.

الأمر يتطلب أشخاص اقوياء من ناحية العلاقات لبناء علاقات صحية ممتازة.

كل شيء ينبع من هنا" (يقصد علاقة صحية مع نفسك أولاً)

دي كانت بعض سطور من كتاب.

وعلية.. ولأني مبحبش ألقي الضوء على مشكلة دون أقتراح بعض حلولها.. فالحقيقة من افضل ما قرأت فى هذا الأمر حتي الأن أنك علشان تدخل علاقة صحية لازم تعدي ب ٥ مستويات:

١- الأستعداد

٢- الأرتباط

٣- الثقة

٤- الاستثمار

٥- التعاون

أقترح عليك تقف قدام نفسك بكل أمانة ومصداقية لتجيب على ال٥ أسئلة دول واللي هما البوابة الملكية لعلاقة صحية مع حد.

١- هل أنا مستعد لدخول علاقة صحية فى الوقت الحالي؟ / يا تري انا فعلاً فى علاقة صحية مع نفسي أولاً؟

٢- هل أنا مستعد أني أركز على الأخر فى العلاقة بصدق ووفاء وأخلاص زي ما بعمل مع نفسي وأديلة زي ما منتظر منه؟

٣- هل أنا بعرف أبني علاقة بها ثقة متبادلة وبقدر أحافظ عليها؟

٤- هل أنا مستعد أستثمر فى الطرف الأخر /شريك حياتي وادي للعلاقة دي وقت وجهد لرعايتها والمحافظة عليها ؟

٥- يا تري أنا جاهز.. وبعرف ألعبها أنا أكسب وأنت تكسب؟ ونبقي فى علاقة Win / Win ؟

هتاخد شوية وقت يا صديق علشان تقدر تطبق ده!!! الامر مش مجرد بوست.. أنا ملخصلك كتب كامله فى بوست واحد.. عارف أنك ممكن تستصعب ده.. بس صدقني.. من خبرة شخصية.. ومن خبرة حياة أشخاص كتير بشتغل معاهم.

حياتك قبل ما تشوفها بقانون It's all about me شيء.. وحياتك بعدها شيء.

دي أفضل خدمة تقدمها لنفسك.

أنا قدمتها لنفسي قبلك.. وبفضل الله النتيجة هي حياة أخري لم أكن أتخيلها.. بقيت بدخل انام كل يوم وانا وربي مستني بكرا يجي.. لاني عارف اني هبني وهزرع وهساعد وهعمر فى الأرض.

صديقي .. أخر شيء تخرج بيه من البوست ده.. ولو مقتنعتش بكل البوست من فضلك بس أقتنع وجرب الجملة دي.. عايزك ترددها كتير وشوف حياتك بعدها.

I'm 100% responsible for my Happiness

I'm 100% responsible for my Happiness

I'm 100% responsible for my Happiness

Post Original Date:  June 27, 2019
FB Post's Link: https://www.facebook.com/daghash.eslam/posts/10214693164783199 Photo Source: https://pixabay.com/