وأنت خارج من علاقة عاطفية وداخل أخري جديدة أياً كان بقي أرتباط عاطفي / خطوبة/ زواج. تأكد أنك سيبت كل حاجه وأنت ماشي.. علشان الأنسان/ة اللي هتربط/ي بيه/ا ملهوش أدني ذنب أنك تبقي معاه بجسدك وتبقي روحك فى حته تانية ومع حد تاني!
الOption ده مش موجود عندنا فى العلاقات الصحية!
فى العلاقات الصحية، وأحنا خارجين منها بنقف نسأل نفسنا هيا العلاقة دي هيتساب بابها موارب؟ واللا كلياً وجدياً هناخد الباب فى إيدنا وأحنا خارجين؟
- فيه علاقات مينفعش تمشي منها وتسيب بابها موارب زي أن زوجين أتطلقوا ٣ مرات وطلاقهم دينياً صحيح.. والأثنين لن يقبلوا بفكرة وجود محلل.. فكدا هنعمل أية؟
هنقفل الباب كلياً.. هنمشي.. وهنسيب كل حاجه هناك..كل ذكري وكل لحظة بحلوها ومرها.. وهنكتب ونعلق يافطة على العلاقة دي ونحط ليها هاشتاج #أنتهي!
- وفية علاقات بيتساب الباب موارب شوية.. وشوفنا كتير من دول رجعوا أحسن من الأول وماشاء الله فى زواجات سعيده جداً.. زي أن أتنين أنفصلوا فى الخطوبة وكان المشكلة سوء تواصل وسوء فهم من الأهل.. بنسيب الباب موارب بشرط.. الشرط هو أن ميكنش فيه حد دخل فى حياتنا دلوقتي.
طيب جه حد جديد حياتي.. يبقي هنقف ونسأل نفسنا:
هل أنا لسه فيه اي جرح ما من العلاقة السابقة؟
هل أنا متأكد أن مش هيحصل أي أسقاط من العلاقة السابقة على العلاقة الجديدة؟
هل أنا فعلاً جاهز لدخول علاقة جديدة؟
ولو تسمحلي أعيد عليك الجملة دي مره تانية من أهميتها:
- فيه علاقات ينفع تتلعب وجنبها دور تاني وتالت وعاشر.. زي مديرك لما يبقي أستاذك وصديقك وصاحبك ووالدك و و و.
وفية علاقات تانية لأ...
معندناش حاجه فى العلاقات الصحية أسمها والله هجرب مع الزوجة الجديدة ولو منفعش هرجع للقديمة.. ولا هتخطب ولو خطيبي ده محستش معاه حاجه هرجع للقديم!!!
وأه.. بالمناسبة... معندناش برضوا فى العلاقات الصحية أنك تدخل علاقة وأنت مستني أنسان يعالجلك ماضيك ويشبع حاضرك ويبنيلك مستقبلك .. فالله يكرمك، أتقي الله فى نفسك وقلبك ومشاعرك وكذلك قلب وفكر ومشاعر الطرف الأخر ومتحطش High Expectations على حد.. علشان وجع اللي اتعشم ومتحققلوش عشمه وحش.. واسأل المجربين.
Post Original Date: Oct. 4, 2019
FB Post's Link: https://www.facebook.com/daghash.eslam/posts/10215396696451051
Photo Source: https://pixabay.com/
No comments:
Post a Comment