ازاي أتواصل مع شخص خارج من تجربة مؤلمة؟!

 ازاي أتواصل مع شخص خارج من تجربة مؤلمة؟

شيء مؤسف جداً أني أشوف وأسمع من وقت للتاني حد يكون خارج من تجربة مؤلمة والمقربين منه يكونوا شايفينه بيتدلع!.. علشان كدا أنا كاتب البوست ده مخصوص لكل حد عنده حد قريب منه خارج من تجربة حب غير موفقة، أنفصال، صديق أكتشف خيانة صديق عمرة.. أو حتى تجربة مؤلمة بين أب وأبنه .. بنت ومامتها الى أخره.

قبل ما أقولك أزاي تتعامل مع الشخص ده تسمحلي أخدك لرحلة سريعة جوا الشخص نفسة وصدقني.. قبل ما توصل لنهاية البوست.. أعتقد أنك مش هتعرف تصنف حد تاني بيتألم أنه بيتدلع.

أقرأ كدا الكلمتين الجايين دول لجون سي ماكسويل واللي فيهم أجمل وصف للشخصية دي" الأشخاص المتألمون لا يجرحون الناس فحسب، ولكنهم يتعرضون للجرح بسهولة من جانب الآخرين.. يشرح ميرز الآمر بهذه الطريقة: إذا كان شخص ما لدية شظية خشبية فى أصبعة وسمح لها أن تبقى فيه لفترة فالطبيعي أن أصبعة سيتورم ويزداد تلوثاً.. وحينها إذا ضغط شخص أخر على الإصبع، فإن صاحب المشكلة سيصيح قائلاً "ااااااه.. لقد آلمتني!!!".. ولكن الحقيقة هي أن المشكلة ليست مشكلة الشخص الذي ضغط على الإصبع ببساطة وعن غير قصد.. أنها مشكلة الشخص الذي أصيب بشظية ولكنه أهمل التعامل مع أصابته.. الألم العاطفي يتبع نفس السبيل.. فالأشخاص المتألمون يستجيبون بصورة مبالغة، ويحاولون حماية أنفسهم بطريقة مبالغة"

دائماً ما يعوق العلاقات الشخص الأقل قوة وصحة!

ببساطة جداً يا صديق الأشخاص المتألمون بيعملوا 3 حاجات:

بيجرحوا أنفسهم أكثر وأكثر، بيتجرحوا من الأخرين بسهولة وعلى أمور غير مبرره ومفسره، بيجرحوا الآخر/ين .. وبيجرحوهم أوي يعني!

المشكلة اللي بجد بقي لو دخل فكرة طب انا عايز أنتقم بقى من اللي أذاني بداخل عقل الشخص المتألم!

فيه قصة مشهورة بين المختصين عن الموضوع ده.. أنه كان فيه 3 أصدقاء.

أحمد: بيحب يهزر بإيده مع محمد أوي ويضربه على صدره كل شوية.. فمحمد أتخنق

محمد: محمد قرر يخلص من الموضوع.. فخطط.. وراح لمحمود وقاله مش أنا قررت أحط حدود ل أحمد؟ بص (وفتح قميصة يوري صديقهم التالت محمود) أنا جيبت ال3 أصابع ديناميت دول وبكدا أول ما أحمد يهزر تاني ويضربني على صدري.. هتكون دي المرة الآخيرة اللي يعمل فيها كدا!

فى الجزئية دي فيه مقولة بحبها اوي بتقول "إذا كنت ترغب فى السفر.. بعيداً.. وبسرعة.. فأرحل خفيفاً.. تخلص من جميع أحسادك، أحقادك، غيرتك، أنانيتك، أحزانك، ودموعك"

الحقيقة أني كنت أتمني أوصف أكتر من كدا شخصية المتألم وقتها كيف يكون.. لكن منعاً للآطالة فتسمحلي أقولك ازاي تتعامل مع الشخص المتألم:

1- لا تأخذ الأمر على محمل شخصي.

2- لا تنظر للشخص وقتها ولكن أنظر للمشكلة.

3- من فضلك.. متزودش عليه الآمه.. ولو مقدرتش تكون جزء من الحل.. متكنش جزء من المشكلة بكلام تافه زي "أية يابني الهبل ده، حتت بنت وراحت يعني.. خلاص وقفت حياتك على حب عمرك دي!.. مكنوش يا دوب 6 سنين!"

4- أفضل مساعدة حقيقة هتقدمهاله.. هي أنك تقنعة لو هو فى مثل هذه الحالة الذهاب لمختص.

صديقي.. الشخص ده محتاج إستراتيجية للتعامل مع مشكلتة، يتعامل مع نفسة ومع اللي حوالية ازاي الفترة الجاية.. ولو تسمحلي بنصيحة أخيرة فهي >> أعلم يا صديق.. أن الأمل وحدة ليس حلاً! Hope is not strategy

Post Original Date:  April 5, 2019
FB Post's Link: https://www.facebook.com/daghash.eslam/posts/10214145535252803 Photo Source: https://pixabay.com/