الرضا لمن يرضى!

 فى مصر.. عايز تعيش عيشه متحلمش حتي تعيشها فى أوروبا.. يبقي لازم تمتلك ال٣ حاجات دول:

١- فلوس.

٢- علاقات.

٣- لقب تقيل أوي قبل أسمك.

ده اللي مفترض معظم الناس بيقولوا أنهم لو حصلوا عليه حياتهم هتتغير وهتكون ملئية بالسعادة.

بس.. أقسملك بالله.. أن دي ما حقيقة فى غالب الأمر.

* عدي عليا اللي معاه فلوس بيغير فى العربيات زي ما حضرتك بتغير فى هدومك.. لكن اُبتُلي بأبن مدمن.. قالب ليه حياته ومش ممتعه بنوم هنيء ليله واحده فيها، وما أدراك ما بيت فيه من أبتلي بالأدمان!

* أما عن العلاقات واللقب.. فوربي.. عدي عليا عملاء أنا شخصياً كنت مرعوب أقبلهم أشتغل معاهم Coaching وأقدم ليهم جلسات واللا لأ من تقلهم وتقل مكانتهم وسلطتها اللي أسمهم ومكانتهم حرفياً بتليفون توديك ورا الشمس.... وبرضوا فيه حاجات فاقدينها، والحياة ملهاش طعم، ومش مستريحين!!

فكره أننا نكون واخدين فى كل شيء ٢٤ قيراط منه.

فكره أكون أسعد زوج، وأسعد رجل أعمال، وأسعد أبن وأب، وأنجح واحد فى الوسط بتاعي وامشي الكل يشاور عليا.. وفكرة أني أكون نايم وحسابي بيزيد فى البنك زي نجيب ساويرس كدا لما قال للمذيعه اللي سألته ثروتك كام دلوقتي فرد"قبل سؤالك واللا بعده"

تحقيق ١٠٠٪ من اللي قلته ده هيتحقق.. بس فى الجنه أن شاء الله!

هنا فى الدنيا علشان تاخد حاجه لازم تسيب قصادها حاجات.. علشان تقرأ البوست ده نفسه سيبت حاجه تانية كنت ممكن تعملها..

وبالتالي.. مفيش نجاح ملهوش مقابل وضريبة تتقبل تجرع مرارتها وأنت غير راضي أو تتمرد عليه لن يقلل من ضريبتها فى شيء.

رجل الأعمال الناجح ده اللي بتحسده روح بس أسألة عن شكل حياته، بيشتغل قد اية؟

لما بيكون عنده صفقه مصيرية بيكون عامل ازاي!! أو أقولك على سؤال أصعب؟

أسأله السؤال ده " بتعمل أية علشان تقدر تحافظ على النجاح اللي وصلتله وأنه يفضل فى تزايد وليس نقصان؟"

أخر مثال هكتبه فى البوست هنا درس أتعلمته من شخص ذو منصب مرموق قالي فى مرة "كان نفسي أتجوز، أتجوزت وبعد شوية وقت طلع الجواز عادي.. كان نفسي أجيب عربية، جيبتها وبعد شوية بقت عادية يعني.. كان نفسي فى منصب وفلوس فى البنك، وأهه بقي عندي كل ده!! وكله بقي بالنسبة ليا عادي!! مجرد عادي!! ودلوقتي بعد ما بقي عنده كل حاجه .. زهدت!!"

صدق أحمد خالد توفيق حينما قال"عش كل فترة فى حياتك كأنها الفترة الوحيدة والأخيرة فى حياتك! "

تمردك على توزيع الأرزاق فى الدنيا، شعورك بالظلم وترديدك لعبارات زي ليه يارب مخلقتنيش بحظ فلان وجمال فلانه والمقارنة التى لا تنتهي.. لن تفيد.. ولن تنقلك للمستوي التالي فى حياتك، ولكن كل ذلك حتماً.. حتماً.. سيُذهب طاقتك!

#وسيبقي_الرضا_لمن_يرضي!

Post Original Date:  May 31, 2019 FB Post's Link: https://www.facebook.com/daghash.eslam/posts/10214504459505685 Photo Source: https://pixabay.com/