أبن الناس.. لما بيلاقي بنت الأصول اللي يرتضيها قلبه وعقله ويري فيها شريكة عمر ورفيقة درب ويراها كنساء الأرض بيمسك فيها بإيده وسنانه.. وبيعمل المستحيل علشان تكون معاه فعلاً.. عنده ظروف صعبة هيشرحها وهيقولها والله يا بنت الناس أنا ظروفي كذا ووضعي كذا وبنت الأصول لها مطلق الحرية تكمل أو لأ.. بس العك اللي بنشوفه بأن بني أدم يفضل معلق بني أدمه جنبه سنين كاملة!! فده مش فعل يخرج من ولاد أصول أبداً!
أه ممكن تقعدوا تتعرفوا شهر واتنين و٦ وفى النهاية حد فيكم يقرر ميكملش.. حقه.
بس أن حد يتحجج بأنه بيخاف من العلاقات.. عنده fear of Commitment.. أو أياً كان.. ده المفترض ياخد بعضه على مختص ويحل مشكلته هناك.. لله الحمد دلوقتي مصر بقينا عشرات أن لم نكن مئات المختصين سواءً ناس بتشتغل فى ال Relationship Coaching أو حتي Couple & Marriage Therapy.. فلو أنت فعلاً عندك مشكلة زي دي خبط على بابهم وأطلب مساعدتهم وخد قرار.. هتكمل معاها كأية بقي؟
مجرد معرفة؟ تبقي مجرد معرفة.
زميلة؟ تبقي مجرد زميلة.
صديقة؟ تبقي مجرد صديقة.
صديقة مقربة وأتفقتم على ده؟ يبقي صديقة مقربة.
٢ مخطوبين لبعض يبقي يالا ناخد خطوة..
لكن مجرد معرفة بنكهة خطيبتي دي مش موجوده عندنا فى العلاقات الصحية الحقيقة!
ونصيحة لوجه الله.. وأنت جاي تخلع متقولهاش ظروفي المادية لأن دي بالذات لو أتقالت وهيا بنت ناس فعلاً وحبتك هتمدلك إيديها وتقولك وأنا معاك وموافقة وهعمل المستحيل وإيدي فى إيدك وكل واحد فينا ضهر وسند للتاني.
والله العظيم حرام الله بسمعه ده!!! بال ٥ سنين يقعدها جنبه وكل يوم كلام وخروجات وفسح وهدايا لدرجة أن الناس نفسها تسأل مش هتعزمونا بقي على فرحكم ثم فى النهاية أسف مش لاعب!!!
تاني.. لو شهر أو أتنين أو حتي ٦ شهور بيتعرفوا على بعض والموضوع مكملش شيء.. لكن بالسنين نعطل طرف ونوقفه أنه ياخد خطوة بل ويبين قد أية زعلان مع كل عريس يتقدم لدرجة أنه يقنعها ترفضه وترفض عريس و٢ و٥ و١٠ علشان مستنياه وفى الأخر يقول Fear of Commitment!!!!
ظلمتم العلم معاكم من كتر أستخدامكم لمسميات علمية بأشكالها الخاطئة وفى غير موضعها والله العظيم!!!
وأه.. أتمني محدش يدخل الدين فى البوست رجاءً.. البوست بيتكلم من منظور علمي وليس ديني!
Post Original Date: Dec 20, 2020
FB Post's Link: https://www.facebook.com/daghash.eslam/posts/10218946341669963
Photo Source: https://pixabay.com/
No comments:
Post a Comment