مين اللي بيغيب أكتر فى التعافي من علاقة خرج منها؟ أو بيقدر ينسي أسرع؟ الراجل واللا الست؟
ده كان سؤال أتقدم للأمين العام لأتحاد الأطباء النفسيين العرب.
وكان رده بما لا يدع مجالاً للشك.. الرجل!
الرجل بيقع فى الحب أسرع، ولو حب حب صادق بأخلاص بينسي الحب والذكريات أبطء وبيتعافي أبطء.
مشكلة الرجال أنهم وقت الوجع بيختفوا فى كهف عكس الست.. الست محظوظة أنها بتتكلم وتتكلم وتتكلم.. تتكلم مع صديقة ومع قريبة ومع ومع.
أما هو.. فكاتم وجعه جواه ومحدش يعرف عنه حاجه ولا يكتب ولا يعبر ولا يتكلم فيظهر للأخرين أنه هو نسي بحكم أنه مش بيتكلم كتير عن الموضوع.. مسكين.. تخيلوا كدا راجل بيحكي لراجل خسارة حب فبس دمعت عينه وهو بيتكلم هيكون رد الراجل التاني عليه أية؟ "أجمد كدا ياللاا.. وفكك تروح الست يجي مكانها الف ست ويا سيدي اتعرف من بكرا وحب تاني ما هو الست متنسيهاش غير الست اللي زيها" والحقيقة أن لا الراجل هيعرف ينسي الحب بحب جديد.. ولا أصلاً غالباً هيعرف يتكلم ويعبر لصديق زي ما البنت بتعمل.
أما البنت فبشكل عام ربما تبان أنها مش قادرة تنسي بحكم أنها مش بتبطل كلام على الموضوع.
وبعد شوية وقت.. يفضل هو كل يوم فى حرب ذكرياته، وهيا كل يوم بيقل الموضوع عندها شوية.. شوية من كلام طبطبة تسمعه من أصدقائها.. وشوية من أقارب وشوية وتلاقي واحد واتنين حابين يرتبطوا بيها.. ولكن الرجل بيفضل بوجعه.. وللأسف انا كمختص أقدر أقول أن الراجل فى مجتمعنا مش هيروح لمختص غير لو وضعه النفسي تصدع وتدهور... أو أنهار.
الخلاصة:
الرجالة بينسوا وبيتعافوا بشكل أبطء جداً جداً ووجعهم بيكون أصعب جداً جداً عن النساء وده كلام أبحاث (بناءً على قول أمين عام اتحاد الأطباء النفسيين العرب) وليس رأي شخصي ذكره مختص.
Post Original Date: Nov. 17, 2020
FB Post's Link: https://www.facebook.com/daghash.eslam/posts/10218733866118207
Photo Source: https://pixabay.com/
No comments:
Post a Comment